مرقس 8:2 - کِتاب مُقدّس سرائیکی ترجمہ

² ”میکُوں اِیں بِھیڑ اُتے ترس آندے کیوں جو ایہ ترے ڈینہہ تُوں مسلسل میڈے نال ہے تے اِنہاں دے کولھ کھاوݨ کیتے کُجھ نئیں۔

مرقس 8:2 Iomraidhean Croise

متّی 14:14

یسُوع لہہ تے وڈی بِھیڑ ڈِٹھی تاں اُونکُوں اُنہاں اُتے ترس آیا تے اُوں اُنہاں دے بیماراں کُوں شِفا بخشی۔

متّی 20:34

یسُوع کُوں اُنہاں اُتے ترس آیا تے اُنہاں دے اکھیں کُوں ہتھ لایا تے او فوراً ڈیکھنڑ لگ پئے تے اُوندے پِچُھوں ٹُر پئے۔

متّی 9:36

تے جِیں ویلے اُوں بِھیڑ کُوں ڈِٹھا تاں اُونکُوں اُنہاں اُتے ترس آیا کیوں جو او اُنہاں بھیڈاں وانگُوں جِنہاں دا کوئی آجڑی نہ ہووے بہُوں بدحال تے پریشان ہَن۔

مرقس 1:41

یسُوع اُوندے اُتے ترس کھا تے آپنڑا ہتھ ودھایا تے اُوندے اُتے رکھ تے آکھیا، ”مَیں چاہندا ہاں، پاک صاف تھی وَنج۔“

مرقس 5:19

پر اُوں اُونکُوں اِجازت نہ ڈِتی بلکہ اُونکُوں آکھیا، ”گھر وَنج تے آپنڑے لوکاں کُوں ڈسا جو خُداوند تیڈے کیتے کتنے وڈے کم کیتے تے تیڈے اُتے رحم کیتا۔“

مرقس 6:32

بس او کشتی ءچ بہہ تے اَنج ہِک ویران جاہ تے چلے گئے۔

مرقس 6:34

یسُوع کشتی تُوں لہہ تے وڈی بِھیڑ ڈِٹھی تے اُونکُوں اُنہاں اُتے ترس آیا کیوں جو او اُنہاں بھیڈاں وانگُوں ہَن جِنہاں دا کوئی آجڑی نہ ہووے۔ تے او اُنہاں کُوں بہُوں سارے گالھیں دی تعلیم ڈیونڑ لگا۔

مرقس 8:3

جے مَیں اِنہاں کُوں بُکھا روانہ کر ڈیواں تاں ایہ رستے ءچ تھک تے رہ ویسن کیوں جو اِنہاں ءچوں کُجھ دُور کنُوں آئے ہِن۔“

مرقس 9:22

اُوں اُونکُوں ہلاک کرݨ کیتے کئی پھیری بھاہ تے پانڑی ءچ سٹیا پر جے تُساں کُجھ کر سگدے ہیوے تاں ساڈے اُتے ترس کھا تے ساڈی مدد کرو۔“

لُوقا 15:20

بس او اُٹھی تے آپنڑے پِیُو دو ٹُر پِیا۔ او اجنڑ بہُوں دُور ای ہا جو اُونکُوں ڈیکھ تے اُوندے پِیُو کُوں اُوندے اُتے ترس آیا تے دِرک تے اُونکُوں ہاں نال لایا تے چُمیا۔

لُوقا 7:13

اُونکُوں ڈیکھ تے خُداوند کُوں اُوندے اُتے ترس آیا تے اُونکُوں آکھیا، ”نہ رو۔“

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

عبرانیوں 5:2

او بے سمجھ تے گُمراہ لوکاں نال نرمی نال پیش آ سگدے کیوں جو اُوندے ءچ وی کمزوریاں ہوندیاں ہِن۔