مرقس 7:5 - کِتاب مُقدّس سرائیکی ترجمہ

⁵ اِیں واسطے فریسیاں تے شریعت دے عالماں یسُوع کنُوں پُچھیا، ”کیا وجہ ہے جو تُہاڈے شاگرد بزُرگاں دیاں رسماں اُتے نئیں چلدے بلکہ ناپاک ہتھاں نال کھانڑا کھاندے ہِن؟“

مرقس 7:5 Iomraidhean Croise

متّی 15:2

”تُہاڈے شاگرد بزُرگاں دیاں رسماں دی خلاف ورزی کیوں کریندے ہِن، تے کھانڑا کھاوݨ کنُوں پہلے آپنڑے ہتھ نئیں دھوندے؟“

مرقس 7:13

تے اِینویں تُساں آپنڑی رِیت کنُوں جیہڑی تُساں خود جاری کیتی، خُدا دے کلام کُوں بے اثر کر ڈیندے ہیوے، تے اِیں طرحاں دے بہُوں کم کریندے ہیوے۔“

مرقس 7:8

تُساں خُدا دے حُکماں کُوں چھوڑ تے اِنسانی رِیت کُوں قائم رکھیندے ہیوے۔“

مرقس 7:9

تے یسُوع اُنہاں کُوں ایہ وی آکھیا، ”تُساں آپنڑی روایت کُوں قائم رکھنڑ کیتے خُدا دے حُکم کُوں بالکل رَد کر ڈیندے ہیوے۔

اعمال 21:21

اُنہاں کُوں ایہ ڈسایا گِیا ہے جو تُوں غیر قوماں ءچ راہنڑ آلے یہُودیاں کُوں مُوسیٰ کُوں چھوڑ ڈیوݨ دی تعلیم ڈیندا ہیں جو بالاں دا ختنہ نہ کرو تے رسماں کُوں نہ منّو۔

اعمال 21:24

اُنہاں کُوں آپنڑے نال گِھن وَنج تے اُنہاں نال رَل تے پاک تھیوݨ دیاں ساریاں رسماں کُوں پُورا کر، تے اُنہاں دا خرچا وی چا تاں جو او آپنڑے سر مُنوا سگنڑ۔ وَل ہر کہیں کُوں پتہ چل ویسی جو جیہڑے گالھیں تیڈے خلاف کیتیاں گئیاں ہِن او کُوڑیاں ہِن بلکہ تُوں خود وی شریعت اُتے عمل کر تے زندگی گُزریندا ہیں۔

رومیوں 4:12

تے او اُنہاں ختنہ کرواوݨ آلیاں دا وی پِیُو ہے جِنہاں نہ صرف ختنہ کروایا بلکہ ساڈے پِیُو ابرہام دے اُوں اِیمان دی وی پیروی کریندے ہِن جیہڑا اُونکُوں ختنہ کرواوݨ تُوں پہلے حاصل ہا۔

گلتِیوں 1:14

مَیں یہُودی طور طریقے ءچ آپنڑے ہم عُمر یہُودیاں کنُوں زیادہ ودھدا ویندا ہم تے بزُرگاں دیاں روایتاں اُتے غیرت نال عمل کریندا ہم۔

2تھِسّلُنیکیوں 3:11

اساں سُنڑیا ہے جو تُہاڈے ءچ کُجھ ایجھے وی ہِن جیہڑے آلسی ہِن۔ او خود تاں کُجھ کریندے نئیں بلکہ ڈُوجھیاں دے کم ءچ دَخل ڈیندے ہِن۔

2تھِسّلُنیکیوں 3:6

بِھراؤ! اساں آپنڑے خُداوند یسُوع مسیح دے ناں ءچ تُہاکُوں حُکم ڈیندے ہیں جو اُنہاں سبھ بِھرانواں کنُوں دُور راہو جیہڑے آلسی ہووݨ تے اُوں تعلیم دے مطابق نئیں چلدے جیہڑی اُنہاں کُوں ساڈی طرفوں مِلی۔