مرقس 7:13 - کِتاب مُقدّس سرائیکی ترجمہ

¹³ تے اِینویں تُساں آپنڑی رِیت کنُوں جیہڑی تُساں خود جاری کیتی، خُدا دے کلام کُوں بے اثر کر ڈیندے ہیوے، تے اِیں طرحاں دے بہُوں کم کریندے ہیوے۔“

مرقس 7:13 Iomraidhean Croise

متّی 15:6

تاں او اُوں چیز نال آپنڑے ماء پِیُو دی خدمت بےشک نہ کرے۔ بس تُساں آپنڑی رسم نال خُدا دے کلام کُوں بے اثر کر ڈِتے۔

مرقس 7:12

اِیندے نال تُساں اُونکُوں آپنڑے ماء پِیُو دی کوئی مدد نئیں کرݨ ڈیندے۔

مرقس 7:14

وَل یسُوع لوکاں کُوں آپنڑے کولھ سڈ تے آکھنڑ لگا، ”تُساں سارے میڈی سُنڑو تے سمجھو۔

مرقس 7:3

کیوں جو فریسی بلکہ سارے یہُودی آپنڑے بزُرگاں دیاں رسماں دے ایجھے پابند ہَن جو جِیں ویلے تئیں آپنڑے ہتھ چنگی طرحاں دھو نہ گِھننڑ کھانڑا نہ کھاندے ہَن۔

مرقس 7:5

اِیں واسطے فریسیاں تے شریعت دے عالماں یسُوع کنُوں پُچھیا، ”کیا وجہ ہے جو تُہاڈے شاگرد بزُرگاں دیاں رسماں اُتے نئیں چلدے بلکہ ناپاک ہتھاں نال کھانڑا کھاندے ہِن؟“

مرقس 7:9

تے یسُوع اُنہاں کُوں ایہ وی آکھیا، ”تُساں آپنڑی روایت کُوں قائم رکھنڑ کیتے خُدا دے حُکم کُوں بالکل رَد کر ڈیندے ہیوے۔

گلتِیوں 1:14

مَیں یہُودی طور طریقے ءچ آپنڑے ہم عُمر یہُودیاں کنُوں زیادہ ودھدا ویندا ہم تے بزُرگاں دیاں روایتاں اُتے غیرت نال عمل کریندا ہم۔

گلتِیوں 5:21

بُغض، نشہ بازی، نچنڑ ٹپنڑ تے اِنہاں جِیہے بئے کم۔ اِنہاں گالھیں دے بارے ءچ مَیں پہلے تُہاکُوں آکھیا ہا تے ہُنڑ ولا آدھا ہاں، جو ایجھے کم کرݨ آلے خُدا دی بادشاہی دے وارث نہ ہوسن۔

طِطُس 1:14

تے او یہُودیاں دیاں فرضی کہانڑیاں تے ایجھے لوکاں دے حُکماں اُتے دھیان نہ ڈیوݨ جیہڑے سچائی کنُوں مُنہ پھیر گِھندے ہِن۔