مرقس 6:6 - کِتاب مُقدّس سرائیکی ترجمہ

⁶ تے او اُنہاں دی بےاعتقادی تے بہُوں حیران تھیّا۔ وَل یسُوع چارے پاسُوں دے دیہاتاں ءچ پِھردے ہوئے تعلیم ڈیندا ریہا۔

مرقس 6:6 Iomraidhean Croise

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

متّی 8:10

یسُوع ایہ سُنڑ تے حیران تھیّا تے او آپنڑے پِچُھوں آوݨ آلیاں کُوں آکھنڑ لگا جو ”مَیں تُہاکُوں سچ آدھا ہاں جو مَیں اِسرائیل ءچ وی ایجھا اِیمان نئیں ڈِٹھا۔

متّی 9:35

یسُوع سارے شہراں تے دیہاتاں ءچ وَنج تے اُنہاں دے عبادت خانیاں ءچ تعلیم ڈیندا تے بادشاہی دی خوشخبری سُنڑیندا تے ہر طرحاں دی بیماری تے کمزوری کُوں دُور کریندا ریہا۔

مرقس 1:39

تے او سارے گلیل ءچ اُنہاں دے عبادت خانیاں ءچ تبلیغ کریندا تے بدرُوحاں کُوں کڈھیندا ریہا۔

مرقس 10:1

وَل یسُوع اُتھوں کنُوں روانہ تھی تے یردن دے پار یہُودیہ دے علاقے ءچ آیا۔ بِھیڑ اُوندے کولھ وَل جمع تھی گئی تے او آپنڑے دستور دے مطابق اُنہاں کُوں تعلیم ڈیوݨ لگا۔

لُوقا 13:22

وَل یسُوع شہراں تے وستیاں ءچ تعلیم ڈیندا ہویا یروشلیم دا سفر کریندا پِیا ہا،

لُوقا 4:31

وَل یسُوع گلیل دے شہر کفرنحُوم کُوں گِیا تے سبت دے ڈینہہ اُنہاں کُوں تعلیم ڈیندا پِیا ہا۔

لُوقا 4:44

تے او گلیل دے عبادت خانیاں ءچ تبلیغ کریندا ریہا۔

یُوحنّا 9:30

اُوں بندے جواب ءچ اُنہاں کُوں آکھیا، ”ایہ بہُوں عجیب گالھ ہے جو تُساں نئیں جانڑدے جو او کِتھوں دا ہے بھانویں اُوں میڈے اکھیں کھول ڈِتیاں۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔