مرقس 4:7 - کِتاب مُقدّس سرائیکی ترجمہ

⁷ کُجھ جھاڑیاں ءچ ڈھٹھے تے جھاڑیاں ودھ تے اُنہاں کُوں دبا گِھدا تے او پھل نہ گِھن آئے۔

مرقس 4:7 Iomraidhean Croise

متّی 13:22

تے جھاڑیاں ءچ رہایا گِیا بیج اُوندی مثال ہے جیہڑا کلام کُوں سُنڑدا تاں ہے پر دُنیا دی فِکر تے دولت دا فریب اُونکُوں دبا ڈیندے تے اُونکُوں پھل نئیں لگدا۔

متّی 13:7

کُجھ جھاڑیاں ءچ ڈھٹھے تے جھاڑیاں ودھ تے اُنہاں کُوں دبا گِھدا۔

متّی 13:8

کُجھ چنگی زمین اُتے ڈھٹھے تے پھل گِھن آئے۔ کوئی سو گُنا، کوئی سَٹھ گُنا، کوئی ترِیح گُنا۔

مرقس 4:6

پر جِیں ویلے سِجھ نِکلیا تاں پودے سڑ گئے تے کیوں جو او جڑھ نہ پکڑ سگے، اِیں واسطے سُک گئے۔

مرقس 4:8

تے کُجھ چنگی زمین اُتے ڈھٹھے تے رہیج پئے تے ودھ تے پھل گِھن آئے کوئی ترِیح گُنا، کوئی سَٹھ گُنا تے کوئی سو گُنا۔“

لُوقا 12:15

تے اُوں اُنہاں کُوں آکھیا، ”خبردار! آپنڑے آپ کُوں ہر قِسم دے لالچ کنُوں بچائی رکھو، کیوں جو کہیں اِنسان دی زندگی دا بھروسہ اُوندے مال دولت دی کثرت اُتے نئیں۔“

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

لُوقا 8:14

تے جیہڑا جھاڑیاں ءچ ڈھٹھا، اُوہو لوک ہِن جیہڑے سُنڑدے تاں ہِن پر آہستہ آہستہ زندگی دیاں فِکراں تے دولت تے عیش و عشرت ءچ پَھس ویندے ہِن تے اُنہاں دا پھل پکدا نئیں۔

لُوقا 8:7

کُجھ جھاڑیاں ءچ ڈھٹھا تے جھاڑیاں اُوندے نال ودھ تے اُونکُوں دبا گِھدا۔