مرقس 3:23 - کِتاب مُقدّس سرائیکی ترجمہ

²³ یسُوع اُنہاں کُوں آپنڑے کولھ سڈ تے مثالاں ءچ آکھنڑ لگا جو ”شیطان کُوں شیطان کِینویں کڈھ سگدے؟

مرقس 3:23 Iomraidhean Croise

متّی 13:3

وَل او اُنہاں کُوں مثالاں ءچ بہُوں سارے گالھیں آکھنڑ لگا جو، ”ہِک بیج رہاوݨ آلا بیج رہاوݨ نِکلیا۔

متّی 13:34

ایہ سارے گالھیں یسُوع بِھیڑ کُوں مثالاں ءچ آکھیاں تے بغیر مثال دے او اُنہاں کُوں کُجھ نہ آدھا ہا۔

متّی 4:10

یسُوع اُونکُوں آکھیا، ”شیطان! دُور تھی وَنج، کیوں جو لِکھیا ہے جو ’تُوں رب آپنڑے خُدا کُوں سجدہ کر تے صرف اُوندی عبادت کر‘۔“

مرقس 12:1

وَل یسُوع اُنہاں نال مثالاں ءچ گالھیں کرݨ لگا جو ”ہِک بندے انگُوراں دا باغ رہایا تے اُوندے چودھارُوں واڑ ڈِتی تے انگُوراں دا رَس کڈھنڑ کیتے ہِک حوض کھٹیا تے چوکیداری کیتے ہِک بُرج بنڑایا۔ وَل او انگُوراں دا باغ ٹھیکیداراں کُوں کاشتکاری کیتے ڈے تے خود پردیس چلیا گِیا۔

مرقس 3:24

تے جے کہیں بادشاہی ءچ پُھٹ پے ونجے تاں او قائم نئیں رہ سگدی۔

مرقس 4:11

اُوں اُنہاں کُوں آکھیا جو ”تُہاڈے اُتے خُدا دی بادشاہی دا راز ظاہر کیتا گِیا ہے پر باہر آلیاں کیتے سارے گالھیں مثالاں ءچ آکھیاں ویندیاں ہِن تاں جو،

مرقس 4:2

او اُنہاں کُوں مثالاں ءچ بہُوں سارے گالھیں سِکھاوݨ لگا۔ تے اُوں اُنہاں کُوں ایہ تعلیم ڈِتی: