مرقس 2:8 - کِتاب مُقدّس سرائیکی ترجمہ

⁸ یسُوع آپنڑی رُوح ءچ فوراً جاݨ گِھدا جو او آپنڑے دِلاں ءچ کیا سوچیندے ہِن تے اُنہاں کُوں آکھیا، ”تُساں کیوں آپنڑے دِلاں ءچ ایہ گالھیں سوچیندے ہیوے؟

مرقس 2:8 Iomraidhean Croise

متّی 12:15

یسُوع ایہ معلوم کر تے اُتھوں کنُوں روانہ تھیّا تے لوکاں دی ہِک بِھیڑ اُوندے پِچُھوں ٹُر پئی تے اُوں سبھ کُوں چنگا کر ڈِتا۔

متّی 16:7

او آپس ءچ بحث کرݨ لگ گئے جو ”اساں روٹی نئیں گِھن آئے اِیں واسطے او آدھے ہوسن۔“

متّی 9:4

یسُوع اُنہاں دے خیال جاݨ گِھدے تے آکھیا جو ”تُساں آپنڑے دل ءچ بُرے گالھیں کیوں سوچیندے ہیوے؟

مرقس 2:7

”ایہ کیوں اِینویں آدھے؟ کُفر بَکدے۔ خُدا دے سِوا کوݨ گُناہ معاف کر سگدے؟“

مرقس 2:9

کیا فالج دے مریض کُوں ایہ آکھنڑ اسان ہے جو ’تیڈے گُناہ معاف تھئے‘ یا ایہ آکھنڑ جو ’اُٹھی، آپنڑی کَھٹ چا تے ٹُر پِھر؟‘

مرقس 7:21

کیوں جو اندر کنُوں یعنی دل ءچوں بُرے خیال، حرامکاریاں، چوریاں، خون ریزیاں،

لُوقا 24:38

یسُوع اُنہاں کُوں آکھیا، ”تُساں کیوں گھبریندے ہیوے تے تُہاڈے دِلاں ءچ شک کیوں پیدا تھیندے؟

لُوقا 5:22

یسُوع اُنہاں دے خیال جاݨ گِھدے تے اُنہاں کُوں آکھیا، ”تُساں آپنڑے دِلاں ءچ اِینویں کیوں سوچیندے ہیوے؟

لُوقا 6:8

پر یسُوع کُوں اُنہاں دے خیال پتہ ہَن۔ بس اُوں سُکے ہتھ آلے بندے کُوں آکھیا، ”اُٹھی تے اَدھ ءچ کھڑا تھی وَنج۔“ او اُٹھی تے کھڑا تھی گِیا۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

یُوحنّا 6:64

پر تُہاڈے ءچوں کُجھ ایجھے ہِن جیہڑے اِیمان نئیں گِھن آئے۔“ (کیوں جو یسُوع شروع کنُوں جانڑدا ہا جو اِیمان نہ گِھن آوݨ آلے کوݨ ہِن تے کوݨ میکُوں پکڑویسی۔)

اعمال 5:3

پر پطرس آکھیا، ”حننیاہ! شیطان تیڈے دل ءچ ایہ گالھ کیوں پا ڈِتی جو تُوں رُوح القُدس نال کُوڑ ماریں تے زمین دی قیمت ءچوں کُجھ رکھ چھوڑیں؟

اعمال 8:22

بس آپنڑی اِیں بدی کنُوں توبہ کر، تے خُداوند کنُوں دُعا کر جو شاید تیڈے دل دے اِیں خیال کُوں معاف کر ڈیوے۔

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔