مرقس 2:5 - کِتاب مُقدّس سرائیکی ترجمہ

⁵ یسُوع اُنہاں لوکاں دا اِیمان ڈیکھ تے فالج دے مریض کُوں آکھیا، ”پوتر، تیڈے گُناہ معاف تھئے۔“

مرقس 2:5 Iomraidhean Croise

متّی 9:2

تے لوک ہِک فالج دے مریض کُوں اُوندے کولھ گِھن آئے جیہڑا کَھٹ اُتے ہا۔ یسُوع اُنہاں دا اِیمان ڈیکھ تے فالج دے مریض کُوں آکھیا، ”پوتر حوصلہ رکھ، تیڈے گُناہ معاف تھئے۔“

متّی 9:22

یسُوع مُڑ تے اُونکُوں ڈِٹھا تے آکھیا، ”دِھی حوصلہ رکھ۔ تیڈے اِیمان تیکُوں چنگا کر ڈِتے۔“ تے او تریمت اُوں ویلے ای ٹھیک تھی گئی۔

متّی 9:5

کیا ایہ آکھنڑ اسان ہے جو تیڈے گُناہ معاف تھئے یا ایہ آکھنڑ جو اُٹھی تے ٹُر پِھر؟

مرقس 2:6

پر شریعت دے کُجھ عالم جیہڑے اُتھاں بیٹھے ہَن، آپنڑے دِلاں ءچ سوچنڑ لگے جو

مرقس 5:34

یسُوع اُونکُوں آکھیا، ”دِھی تیڈے اِیمان تیکُوں چنگا کر ڈِتے۔ خیر نال وَنج تے آپنڑی بیماری کنُوں بچی رہ۔“

لُوقا 5:20

اُوں اُنہاں دا اِیمان ڈیکھ تے آکھیا، ”جوان! تیڈے گُناہ معاف تھئے۔“

لُوقا 8:48

یسُوع اُونکُوں آکھیا، ”دِھی تیڈے اِیمان تیکُوں چنگا کر ڈِتے، خیر نال وَنج۔“

یُوحنّا 2:25

اُونکُوں اِیندی ضرورت نہ ہئی جو کوئی اُونکُوں اِنسان دے بارے ءچ ڈساوے کیوں جو او اِنسان دے دل دا حال جانڑدا ہا۔

یُوحنّا 5:14

اِیندے بعد او یسُوع کُوں ہیکل ءچ مِلیا۔ یسُوع اُونکُوں آکھیا، ”ڈیکھ تُوں ٹھیک تھی گئیں، وَل گُناہ نہ کریں، اِینویں نہ تھیوے جو تَیں اُتے اِیں کنُوں وی وڈی آفت آوے۔“

اعمال 11:23

جِیں ویلے او اُتھاں پُجیا تاں لوکاں اُتے خُدا دا فضل ڈیکھ تے بہُوں خوش تھیّا تے اُنہاں سبھ کُوں نصیحت کیتی جو پُورے دل نال خُداوند دے وفادار بنڑے راہو۔

اعمال 14:9

او پولُس کُوں گالھیں کریندے سُنڑدا پِیا ہا۔ جِیں ویلے پولُس اُوندے دو غور نال ڈِٹھا جو اُوندے ءچ اِتنا اِیمان ہے جو او شِفا پا سگے،

اعمال 5:31

خُدا اُونکُوں ای مالک تے نجات ڈیوݨ آلا بنڑا تے آپنڑے سجے ہتھ آلے پاسُوں بِلھا گِھدا تاں جو اِسرائیل کُوں توبہ دی توفیق تے گُناہاں دی معافی بخشے۔

1کُرِنتھِیوں 11:30

اِیہو وجہ ہے جو تُہاڈے ءچوں بہُوں سارے لوک کمزور تے بیمار ہِن بلکہ کئی مر وی گئے ہِن۔

2کُرِنتھِیوں 2:10

جِینکُوں تُساں معاف کریندے ہیوے اُونکُوں مَیں وی معاف کریندا ہاں۔ جے مَیں معافی ڈِتی تاں مسیح کُوں حاضر جاݨ تے تُہاڈی خاطر معاف کیتا۔

اِفِسیوں 2:8

کیوں جو تُہاکُوں اِیمان گِھن آوݨ دے وسیلے فضل نال ای نجات مِلی ہے۔ ایہ تُہاڈی طرفوں نئیں بلکہ خُدا دی بخشش ہے۔

کلُسِّیوں 3:13

ہِک ڈُوجھے دی برداشت کرو تے جے کوئی شکایت ہووے تاں ہِک ڈُوجھے کُوں معاف کرو۔ جِینویں خُداوند تُہاکُوں معاف کیتے، اُونویں ای تُساں وی معاف کرو۔

یعقُوب 5:15

اِیمان نال منگی ہوئی دُعا دے سببّوں بیمار بچ ویسی۔ خُداوند اُونکُوں شِفا ڈیسی تے جے اُوں گُناہ کیتے ہووݨ تاں او معاف کیتے ویسن۔