مرقس 2:2 - کِتاب مُقدّس سرائیکی ترجمہ

² وَل اِتی لوک جمع تھی گئے جو دروازے دے نال وی جاہ نہ بچی تے او اُنہاں کُوں کلام سُنڑیندا پِیا ہا۔

مرقس 2:2 Iomraidhean Croise

متّی 5:2

تے او اُنہاں کُوں اِینویں تعلیم ڈیوݨ لگا:

مرقس 1:14

وَل یُوحنّا دے پکڑوائے ونجنڑ دے بعد یسُوع گلیل ءچ آیا تے خُدا دی بادشاہی دی خوشخبری دی تبلیغ کیتی۔

مرقس 1:33

تے سارا شہر دروازے اُتے کٹھا تھی گِیا۔

مرقس 1:37

جِیں ویلے او اُنہاں کُوں مِلیا تاں او آکھنڑ لگے جو ”سارے لوک تُہاکُوں گولھیندے پئے ہِن۔“

مرقس 1:45

پر او اُتھوں نِکل تے ہر کہیں کُوں ڈساوݨ لگا تے اِیں گالھ کُوں اِتنا مشہور کر ڈِتا جو یسُوع کہیں وی شہر ءچ ظاہری طور تے داخل نہ تھی سگیا، بلکہ باہر ویران جاہیں ءچ ریہا تے لوک چودھارُوں اُوندے کولھ آندے ہَن۔

مرقس 2:1

کئی ڈینہاں بعد جِیں ویلے یسُوع ولا کفرنحُوم ءچ آیا تاں لوکاں سُنڑیا جو او گھر ءچ ہے۔

مرقس 2:13

یسُوع ولا جھیل دے کنارے اُتے گِیا تاں اُوندے چودھارُوں ہِک وڈی بِھیڑ لگ گئی تے او اُنہاں کُوں تعلیم ڈیوݨ لگا۔

مرقس 6:34

یسُوع کشتی تُوں لہہ تے وڈی بِھیڑ ڈِٹھی تے اُونکُوں اُنہاں اُتے ترس آیا کیوں جو او اُنہاں بھیڈاں وانگُوں ہَن جِنہاں دا کوئی آجڑی نہ ہووے۔ تے او اُنہاں کُوں بہُوں سارے گالھیں دی تعلیم ڈیونڑ لگا۔

لُوقا 12:1

اِیں دوران ہزاراں لوکاں دی بِھیڑ لگ گئی، ایہ تئیں جو لوک ہِک بئے اُتے ڈھاندے پئے ہَن۔ وَل یسُوع سبھ تُوں پہلے آپنڑے شاگرداں کُوں ایہ آکھنڑ شروع کیتا جو ”فریسیاں دے خمیر یعنی اُنہاں دی منافقت کنُوں ہوشیار رہوائے۔

لُوقا 5:17

ہِک ڈینہہ یسُوع تعلیم ڈیندا پِیا ہا تے کُجھ فریسی تے شریعت دے عالم جیہڑے گلیل تے یہُودیہ دی ہر وستی تے یروشلیم کنُوں آئے ہَن، اُتھاں بیٹھے ہَن۔ تے خُداوند دی قُدرت شِفا ڈیوݨ کیتے یسُوع دے نال ہئی۔

لُوقا 8:1

کُجھ عرصے بعد یسُوع آپنڑے بارہاں رسُولاں نال شہراں تے وستیاں ءچ وَنج تے خُدا دی بادشاہی دی خوشخبری سُنڑیندا تے تبلیغ کریندا ریہا۔

لُوقا 8:11

اُوں مثال دا مطلب ایہ ہے۔ بیج خُدا دا کلام ہے۔

اعمال 11:19

بس جیہڑے لوک اُوں مُصیبت پارُوں جِیندا آغاز ستِفُنس دی موت تُوں تھیّا ہا، کِھنڈ گئے ہَن، او پِھردے پِھردے فینیکے تے کُپرُس تے انطاکِیہ ءچ پُجے پر یہُودیاں دے علاوہ کہیں بئے کُوں کلام نہ سُنڑیندے ہَن۔

اعمال 14:25

تے پِرگہ ءچ خُدا دا کلام سُنڑا تے اتلّیہ دو چلے گئے۔

اعمال 16:6

وَل پولُس تے سِیلاس فروگیہ تے گلِتیہ دے علاقے ءچوں لنگھے کیوں جو رُوح القُدس اُنہاں کُوں آسِیہ ءچ کلام سُنڑاوݨ تُوں روک ڈِتا ہا۔

اعمال 8:25

پطرس تے یُوحنّا گواہی ڈیوݨ تے خُداوند دا کلام سُنڑاوݨ دے بعد یروشلیم کُوں وَل گئے تے سامریہ دے بہُوں ساریاں وستیاں ءچ خوشخبری سُنڑیندے گئے۔

رومیوں 10:8

تاں کیا آدھی ہے؟ ایہ جو ”کلام تیڈے کولھ ہے بلکہ تیڈے مُنہ ءچ تے تیڈے دل ءچ ہے۔“ ایہ اِیمان دا اُوہو کلام ہے جیندی اساں تبلیغ کریندے ہیں جو،

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔