مرقس 16:6 - کِتاب مُقدّس سرائیکی ترجمہ

⁶ اُوں اُنہاں کُوں آکھیا، ”ایجھیاں حیران نہ تھیؤ۔ تُساں یسُوع ناصری کُوں گولھیندیاں ہیوے جیہڑا مصلُوب تھیّا ہا۔ او زندہ تھی گئے۔ او اِتھاں کائنی۔ ڈیکھو ایہ او جاہ ہے جِتھاں اُنہاں اُونکُوں رکھیا ہا۔

مرقس 16:6 Iomraidhean Croise

متّی 12:40

کیوں جو جِینویں یُوناہ ترے ڈینہہ رات وڈی مچھی دے پیٹ ءچ ریہا اِینویں ای اِبنِ آدم ترے ڈینہہ رات زمین دے اندر راہسی۔

مرقس 1:24

جو ”یسُوع ناصری! ساکُوں تیڈے نال کیا کم؟ کیا تُوں ساکُوں ہلاک کرݨ آئیں؟ مَیں جانڑدا ہاں جو تُوں کوݨ ہیں؟ تُوں خُدا دا قدُّوس ہیں۔“

مرقس 1:27

سارے لوک حیران تھئے تے ہِک ڈُوجھے کُوں آکھنڑ لگے ”ایہ کیا ہے؟ ایہ تاں نوِیں تعلیم ہے جیہڑی اِختیار نال ڈِتی ویندی پئی ہے۔ او بدرُوحاں کُوں حُکم ڈیندے تے او اُوندا حُکم منیندیاں ہِن۔“

مرقس 10:34

جیہڑے اُوندا مذاق اُڈیسن تے اُوندے اُتے تُھوکیسن، تے اُونکُوں کوڑے مریسن، تے قتل کریسن۔ پر ترے ڈینہہ بعد او زندہ تھی ویسی۔“

مرقس 14:33

او پطرس، یعقُوب تے یُوحنّا کُوں آپنڑے نال گِھن تے بہُوں پریشان تے بے چین تھیوݨ لگا۔

مرقس 9:15

ساری بِھیڑ یسُوع کُوں ڈیکھ تے بہُوں حیران تھئی تے اُوندے دو بھج تے اُونکُوں سلام کیتا۔

لُوقا 24:46

تے اُنہاں کُوں آکھیا، ”اِینویں لِکھیا ہے جو المسیح ڈُکھ چے سی تے تریجھے ڈینہہ مُردیاں ءچوں زندہ تھی ویسی۔

اعمال 2:24

پر خُدا اُونکُوں زندہ کر ڈِتا تے موت دے قبضے تُوں چُھڑایا کیوں جو ایہ ممکن نہ ہا جو او موت دے قبضہ ءچ راہندا۔

اعمال 4:10

تاں تُساں تے ساری اِسرائیلی قوم ایہ جاݨ گِھنے جو یسُوع مسیح ناصری دے ناں نال جِینکُوں تُساں صلیب اُتے چڑھا ڈِتا تے جِینکُوں خُدا مُردیاں ءچوں زندہ کیتا، ایہ بندہ تُہاڈے سامنڑے تندرُست کھڑا ہے۔