مرقس 13:6 - کِتاب مُقدّس سرائیکی ترجمہ

⁶ بہُوں سارے میڈے ناں نال آسن تے اکھیسن جو مسیح مَیں ای ہاں تے بہُوں سارے لوکاں کُوں گُمراہ کریسن۔

مرقس 13:6 Iomraidhean Croise

متّی 24:11

بہُوں سارے کُوڑے نبی اُٹھی کھڑے تھیسن تے بہُوں سارے لوکاں کُوں گُمراہ کر ڈیسن۔

متّی 24:5

کیوں جو بہُوں سارے میڈے ناں نال آسن تے اکھیسن جو ’مَیں المسیح ہاں،‘ تے بہُوں سارے لوکاں کُوں گُمراہ کریسن۔

مرقس 13:22

کیوں جو کُوڑے المسیح تے کُوڑے نبی اُٹھی کھڑے تھیسن تے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

مرقس 13:5

یسُوع اُنہاں کُوں آکھنڑ لگا جو ”خبردار تُہاکُوں کوئی گُمراہ نہ کر ڈیوے۔

مرقس 13:7

جِیں ویلے تُساں جنگاں تے جنگاں دیاں افواہاں سُنڑو تاں گھبرا نہ وَنجائے۔ اِنہاں دا تھیوݨ لازم ہے پر اُوں ویلے خاتمہ نہ تھیسی۔

یُوحنّا 5:43

مَیں آپنڑے باپ دے ناں تُوں آیا ہاں تے تُساں میکُوں قبول نئیں کریندے، پر جے کوئی بِیا آپنڑے ای ناں کنُوں آوے تاں تُساں اُونکُوں قبول کر گِھنسو۔

یُوحنّا 8:24

اِیں واسطے مَیں تُہاکُوں ڈسا ڈِتے جو تُساں آپنڑے گُناہاں ءچ مر سو، کیوں جو جے تُساں اِیمان نئیں گِھن آندے جو مَیں اُوہو ہاں تاں تُساں آپنڑے گُناہاں ءچ مرسو۔“

یُوحنّا 8:28

اِیں واسطے یسُوع آکھیا، ”جِیں ویلے تُساں اِبنِ آدم کُوں اُچائی اُتے چڑھیسو تاں تُہاکُوں معلوم تھیسی جو مَیں اُوہو ہاں تے آپنڑی طرفوں کُجھ نئیں کریندا بلکہ جِینویں باپ میکُوں سِکھایا ہے اُونویں ای ایہ گالھیں آدھا ہاں۔

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔