مرقس 13:5 - کِتاب مُقدّس سرائیکی ترجمہ

⁵ یسُوع اُنہاں کُوں آکھنڑ لگا جو ”خبردار تُہاکُوں کوئی گُمراہ نہ کر ڈیوے۔

مرقس 13:5 Iomraidhean Croise

مرقس 13:4

”ساکُوں ڈساؤ جو ایہ گالھیں کڈݨ تھیسن؟ تے جِیں ویلے او پُوریاں تھیوݨ آلیاں ہووݨ، اُوں ویلے دا نشان کیا ہوسی؟“

مرقس 13:6

بہُوں سارے میڈے ناں نال آسن تے اکھیسن جو مسیح مَیں ای ہاں تے بہُوں سارے لوکاں کُوں گُمراہ کریسن۔

لُوقا 21:8

اُوں آکھیا، ”خبردار، کوئی تُہاکُوں گُمراہ نہ کر ڈیوے کیوں جو بہُوں سارے میڈے ناں نال آسن تے اکھیسن، ’مَیں المسیح ہاں‘ تے ایہ وی جو ’ویلا نیڑے آ گِیا ہے۔‘ تُساں اُنہاں دے پِچُھوں نہ ٹُر پوائے۔

1کُرِنتھِیوں 15:33

دوکھا نہ کھاؤ، بُریاں صُحبتاں چنگیاں عادتاں کُوں وِگاڑ ڈیندیاں ہِن۔

اِفِسیوں 5:6

کوئی تُہاکُوں فضول گالھیں نال دوکھا نہ ڈیوے، کیوں جو اِنہاں گالھیں دے سببّوں نافرماناں اُتے خُدا دا غضب نازل تھیندے۔

کلُسِّیوں 2:8

خبردار! کوئی بندہ تُہاکُوں اُنہاں فلسفیانہ تے بے فائدہ دوکھے آلے گالھیں دا شکار نہ کر گِھنے، جیہڑیاں اِنسانی روایتاں تے دُنیاوی اصُولاں دے مطابق ہِن نہ جو مسیح دے مطابق۔

2تھِسّلُنیکیوں 2:3

تُساں کہیں دے دوکھے ءچ نہ اوائے۔ کیوں جو او ڈینہہ اُوں ویلے تئیں نہ آسی جئیں تئیں خُدا دے خلاف وڈی بغاوت نہ تھی ونجے تے او بدکار ظاہر نہ تھی ونجے جِیندا انجام ہلاکت ہے۔

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔