مرقس 12:6 - کِتاب مُقدّس سرائیکی ترجمہ

⁶ ہُنڑ ہِکو راہندا ہا جیہڑا اُوندا پیارا پوتر ہا۔ آخر ءچ اُوں آپنڑے پوتر کُوں ایہ سوچ تے اُنہاں دے کولھ بھیجیا جو او میڈے پوتر دا تاں لحاظ کریسن۔

مرقس 12:6 Iomraidhean Croise

متّی 1:23

”ڈیکھو ہِک کُنواری حاملہ تھیسی تے پوتر جمسی تے اُوندا ناں عِمانُوایل رکھیسن۔“ جِیندا ترجمہ ہے خُدا ساڈے نال۔

متّی 11:27

میڈے باپ دی طرفوں سبھ کُجھ میڈے سپُرد کیتا گِیا ہے تے کوئی پوتر کُوں نئیں جانڑدا سوائے باپ دے، تے نہ ای کوئی باپ کُوں جانڑدے سوائے پوتر دے یا او بندہ جیندے اُتے پوتر اُونکُوں ظاہر کرݨ چاہندے۔

متّی 17:5

او ایہ آدھا ای پِیا ہا جو ڈیکھو ہِک نُورانی بدلی اُنہاں اُتے چھاں کر ڈِتی تے اُوں بدلی ءچوں اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں، اِیندی سُنڑو۔“

متّی 26:63

پر یسُوع چُپ ای ریہا۔ کاہِن ِ اعظم اُونکُوں آکھیا، ”مَیں تیکُوں زندہ خُدا دی قَسم ڈیندا ہاں جو جے تُوں خُدا دا پوتر المسیح ہیں تاں ساکُوں ڈسا ڈے۔“

متّی 3:17

تے اسمان تُوں ایہ اواز آئی جو ”ایہ میڈا پیارا پوتر ہے جیندے کنُوں مَیں بہُوں خوش ہاں۔“

مرقس 1:11

تے اسمان کنُوں ایہ اواز آئی جو ”تُوں میڈا پیارا پوتر ہیں، مَیں تَیں کنُوں بہُوں خوش ہاں۔“

مرقس 12:5

وَل اُوں ہِک بئے کُوں بھیجیا تے اُنہاں اُونکُوں قتل کر ڈِتا۔ اِینویں ای بہُوں بندے بھیجے۔ ٹھیکیداراں اُنہاں ءچوں کُجھ کُوں کُٹیا تے کُجھ کُوں قتل کر ڈِتا۔

مرقس 12:7

پر ٹھیکیدار آپس ءچ آکھنڑ لگے جو ’اِیہو وارث ہے۔ آؤ اِینکُوں قتل کرُوں۔ جائیداد ساڈی تھی ویسی۔‘

مرقس 9:7

وَل ہِک بدّل اُنہاں اُتے چھاں کر ڈِتی تے اُوں بدّل ءچوں اواز آئی جو ”ایہ میڈا پیارا پوتر ہے، اِیندی سُنڑو۔“

لُوقا 3:22

تے رُوح القُدس جِسمانی صورت ءچ کبوتر وانگُوں اُوندے اُتے نازل تھیّا تے اسمان کنُوں اواز آئی جو ”تُوں میڈا پیارا پوتر ہیں، تَیں کنُوں مَیں بہُوں خوش ہاں۔“

لُوقا 9:35

تے بدّل ءچوں اواز آئی جو ”ایہ میڈا پوتر ہے۔ میڈا چُنڑیا ہویا، اِیندی سُنڑو۔“

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

یُوحنّا 1:34

بس مَیں ڈِٹھے تے گواہی ڈِتی ہے جو ایہ خُدا دا پوتر ہے۔“

یُوحنّا 1:49

نتن ایل آکھیا، ”ربّی! تُساں خُدا دے پوتر ہیوے۔ تُساں اِسرائیل دے بادشاہ ہیوے۔“

یُوحنّا 3:35

باپ پوتر نال محبت رکھیندے تے اُوں سبھ کُجھ پوتر دے سپُرد کر ڈِتے۔

یُوحنّا 5:23

تاں جو سبھ لوک پوتر دی وی عزت کرݨ جِینویں باپ دی عزت کریندے ہِن۔ جیہڑا پوتر دی عزت نئیں کریندا او باپ دی وی جئیں پوتر کُوں بھیجیا ہے، عزت نئیں کریندا۔

عبرانیوں 1:6

تے وَل جِیں ویلے خُدا آپنڑے پلوٹھے کُوں دُنیا ءچ گِھن آندے تاں اکھیندے جو ”خُدا دے سبھ فرشتے اُونکُوں سجدہ کرݨ۔“

1 یُوحنّا 4:9

جیہڑی محبت خُدا ساڈے نال رکھیندے، اُونکُوں اُوں اِینویں ظاہر کیتا جو اُوں آپنڑے کلھے پوتر کُوں دُنیا ءچ بھیج ڈِتا تاں جو ساکُوں اُوندے وسیلے زندگی مِلے۔

3 یُوحنّا 1:1

ایہ خط مَیں بزُرگ دی طرفوں، پیارے گِیُس دے ناں ہے جیندے نال مَیں سچی محبت کریندا ہاں۔