مرقس 10:21 - کِتاب مُقدّس سرائیکی ترجمہ

²¹ یسُوع اُوندے اُتے نِگاہ کیتی تے اُونکُوں اُوندے اُتے پیار آیا تے آکھیا، ”ہِک گالھ دی تَیں ءچ کمی ہے۔ وَنج آپنڑا سبھ کُجھ ویچ تے غریباں کُوں ڈے، تاں تیکُوں اسمان اُتے خزانہ مِلسی۔ وَل آ تے میڈے پِچُھوں ٹُر پو۔“

مرقس 10:21 Iomraidhean Croise

متّی 16:24

اُوں ویلے یسُوع آپنڑے شاگرداں کُوں آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے تے آپنڑی صلیب چا تے میڈے پِچُھوں تھی پووے۔

متّی 19:21

یسُوع اُونکُوں آکھیا، ”جے تُوں کامِل تھیوݨ چاہندیں تاں وَنج تے آپنڑاں سبھ کُجھ ویچ تے غریباں کُوں ڈے۔ تیکُوں اسمان اُتے خزانہ مِلسی تے آ تے میڈے پِچُھوں تھی پو۔“

مرقس 10:22

ایہ سُنڑ تے اُوں بندے دا مُنہ لہہ گِیا تے او غمگین تھی تے چلیا گِیا، کیوں جو او بہُوں مالدار ہا۔

مرقس 8:34

وَل اُوں بِھیڑ کُوں آپنڑے شاگرداں سمیت کولھ سڈ تے آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے، تے آپنڑی صلیب چا تے میڈے پِچُھوں تھی پووے۔

لُوقا 10:42

پر ہِک چیز ضرور ہے تے مریم او چنگا حصہ چُنڑ گِھدے جیہڑا اُوں کنُوں کھسیا نہ ویسی۔“

لُوقا 12:33

آپنڑا مال ویچ تے خیرات کر ڈیؤ۔ تے آپنڑے کیتے ایجھے بٹوے بنڑاؤ جیہڑے پُرانڑے نئیں تھیندے یعنی اسمان اُتے ایجھا خزانہ جیہڑا خالی نئیں تھیندا، جِتھاں چور نئیں پُج سگدا تے کیڑا خراب نئیں کریندا۔

لُوقا 16:9

مَیں تُہاکُوں آدھا ہاں جو دُنیا دی کمائی نال آپنڑے کیتے دوست بنڑاؤ، تاں جو جِیں ویلے او ویندی راہوے تاں او تُہاکُوں ابدی گھراں ءچ جاہ ڈیوݨ۔

لُوقا 18:22

جیہڑے ویلے یسُوع ایہ سُنڑیا تاں اُونکُوں آکھیا، ”ہِک گالھ دی تیڈے ءچ ہُنڑ تئیں کمی ہے۔ آپنڑا سبھ کُجھ ویچ تے غریباں ءچ وَنڈ ڈے۔ تیکُوں اسمان اُتے خزانہ مِلسی تے وَل آ تے میڈے پِچُھوں تھی پو۔“

لُوقا 19:41

جِیں ویلے یسُوع نیڑے آ تے شہر اُتے نِگاہ کیتی تاں اُوندے اُتے رُنّا تے آکھیا،

لُوقا 9:23

وَل اُوں ساریاں کُوں آکھیا، ”جے کوئی میڈی پیروی کرݨ چاہندے تاں آپنڑی خُودی دا اِنکار کرے تے ہر روز آپنڑی صلیب چا تے میڈے پِچُھوں تھی پووے۔

یُوحنّا 12:26

جے کوئی میڈی خدمت کرݨ چاہندے، اُونکُوں ضرور ہے جو میڈی پیروی کرے، تے جِتھاں مَیں ہاں اُتھاں میڈا خادم وی ہوسی۔ جے کوئی میڈی خدمت کرے تاں میڈا باپ اُوندی عزت کریسی۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

اعمال 2:45

تے آپنڑا مال اسباب ویچ تے ہر ہِک کُوں اُوندی ضرورت دے مطابق پیسے وَنڈ ڈیندے ہَن۔

2کُرِنتھِیوں 12:15

اِیں واسطے مَیں تُہاڈی خاطر بہُوں خوشی نال آپنڑا سبھ کُجھ خرچ کر ڈیساں بلکہ آپ وی خرچ تھی ویساں۔ جے مَیں تُہاڈے نال بہُوں محبت رکھاں تاں کیا تُساں میڈے نال گھٹ محبت رکھیسو؟

2 تِیمُتھِیُس 3:12

اصل ءچ سبھ لوک جیہڑے مسیح یسُوع ءچ دینداری دی زندگی گُزارݨ چاہندے ہِن، او سبھ ستائے ویسن۔

عبرانیوں 10:34

تُساں قیدیاں نال ہمدردی کیتی تے آپنڑے مال دے لُٹے ونجنڑ کُوں وی خوشی نال قبول کیتا کیوں جو تُساں جانڑدے ہَوے جو ہِک بہتر تے ابدی ملکیت تُہاڈے کولھ ہے۔

یعقُوب 2:10

کیوں جو جے کوئی ساری شریعت اُتے عمل کرے پر کہیں ہِک حُکم دا نافرمان ہووے تاں او ساری شریعت دا قصُوروار کھڑدے۔

مُکاشفہ 2:14

پر میکُوں تیڈے تُوں کُجھ گالھیں دی شکایت ہے جو تیڈے ءچوں کُجھ لوک بلعام دی تعلیم دی پیروی کریندے ہِن، جئیں بلق کُوں سِکھایا جو بنی اِسرائیل کُوں کِینویں گُمراہ کرے تے نتیجے ءچ اُنہاں بُتاں کُوں نذر کیتیاں گئیاں قُربانیاں دا گوشت کھادا تے حرام کاری کیتی۔

مُکاشفہ 2:20

پر میکُوں تیڈے تُوں ایہ شکایت ہے جو تَیں اُوں عورت اِیزبل کُوں جیہڑی آپنڑے آپ کُوں نبِیّہ آدھی ہے، نئیں روکیا۔ او میڈے خادماں کُوں تعلیم ڈے تے گُمراہ کریندی ہے جو او بُتاں کُوں پیش کیتیاں گئیاں قُربانیاں دا گوشت کھاوݨ تے حرامکاری کرݨ۔

مُکاشفہ 2:4

پر میکُوں تَیں تُوں ایہ شکایت ہے جو تَیں آپنڑی پہلے آلی محبت چھوڑ ڈِتی ہے۔