مرقس 10:1 - کِتاب مُقدّس سرائیکی ترجمہ

¹ وَل یسُوع اُتھوں کنُوں روانہ تھی تے یردن دے پار یہُودیہ دے علاقے ءچ آیا۔ بِھیڑ اُوندے کولھ وَل جمع تھی گئی تے او آپنڑے دستور دے مطابق اُنہاں کُوں تعلیم ڈیوݨ لگا۔

مرقس 10:1 Iomraidhean Croise

متّی 26:55

اُوں ویلے یسُوع بِھیڑ کُوں آکھیا، ”کیا مَیں کوئی ڈاکو ہاں جو تُساں تلواراں تے سوٹیاں چا تے میکُوں پکڑن آئے ہیوے؟ مَیں ہر روز ہیکل ءچ بہہ تے تعلیم ڈیندا ریہاں، اُتھاں تاں تُساں میکُوں گرفتار نہ کیتا۔

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

مرقس 1:21

وَل او کفرنحُوم ءچ داخل تھئے تے جِینویں ای سبت دا ڈینہہ آیا تاں یسُوع عبادت خانہ ءچ وَنج تے تعلیم ڈیوݨ لگا۔

مرقس 10:2

تے کُجھ فریسیاں کولھ آ تے اُونکُوں ازماوݨ کیتے پُچھیا، ”کیا بندے دا آپنڑی ذال کُوں چھوڑ ڈیوݨ جائز ہے؟“

مرقس 12:35

وَل یسُوع ہیکل ءچ تعلیم ڈیندے ہوئے آکھیا جو ”شریعت دے عالم کیونکر آدھے ہِن جو المسیح داؤد دا پوتر ہے؟

مرقس 14:49

مَیں ہر روز ہیکل ءچ تُہاڈے کولھ تعلیم ڈیندا ہم تے تُساں میکُوں گرفتار نہ کیتا۔ پر ایہ اِیں واسطے تھیّا جو خُدا دا کلام پُورا تھیوے۔“

مرقس 2:13

یسُوع ولا جھیل دے کنارے اُتے گِیا تاں اُوندے چودھارُوں ہِک وڈی بِھیڑ لگ گئی تے او اُنہاں کُوں تعلیم ڈیوݨ لگا۔

مرقس 4:2

او اُنہاں کُوں مثالاں ءچ بہُوں سارے گالھیں سِکھاوݨ لگا۔ تے اُوں اُنہاں کُوں ایہ تعلیم ڈِتی:

مرقس 6:2

جِیں ویلے سبت دا ڈینہہ آیا تاں او عبادت خانہ ءچ تعلیم ڈیوݨ لگا تے بہُوں سارے لوک سُنڑ تے حیران تھئے تے آکھنڑ لگے ”ایہ گالھیں اُونکُوں کِتھوں آ گئیاں تے ایہ کیجھی حِکمت ہے جیہڑی اُونکُوں عطا کیتی گئی؟ تے ایجھے معجزے او کِینویں ظاہر کریندے؟

مرقس 6:34

یسُوع کشتی تُوں لہہ تے وڈی بِھیڑ ڈِٹھی تے اُونکُوں اُنہاں اُتے ترس آیا کیوں جو او اُنہاں بھیڈاں وانگُوں ہَن جِنہاں دا کوئی آجڑی نہ ہووے۔ تے او اُنہاں کُوں بہُوں سارے گالھیں دی تعلیم ڈیونڑ لگا۔

مرقس 6:6

تے او اُنہاں دی بےاعتقادی تے بہُوں حیران تھیّا۔ وَل یسُوع چارے پاسُوں دے دیہاتاں ءچ پِھردے ہوئے تعلیم ڈیندا ریہا۔

یُوحنّا 10:40

یسُوع ولا یردن دریا دے پار اُوں جاہ تے چلیا گِیا جِتھاں یُوحنّا شروع ءچ بپتسمہ ڈیندا ہا تے اُتھائیں ریہا۔

یُوحنّا 11:7

وَل اِیندے بعد شاگرداں کُوں آکھیا، ”آؤ ولا یہُودیہ کُوں جُلوں۔“

یُوحنّا 18:20

یسُوع جواب ڈِتا، ”مَیں سبھ لوکاں نال سر ِ عام گالھیں کیتیاں ہِن۔ مَیں ہمیشاں عبادت خانیاں تے ہیکل ءچ تعلیم ڈیندا ریہا ہاں جِتھاں سارے یہُودی کٹھے تھیندے ہِن تے مَیں لُک تے کڈھائیں وی کُجھ نئیں آکھیا۔