مرقس 1:7 - کِتاب مُقدّس سرائیکی ترجمہ

⁷ تے ایہ تبلیغ کریندا ہا جو ”میڈے بعد او بندہ آوݨ آلا ہے جیہڑا مَیں کنُوں زیادہ زور آور ہے۔ مَیں اِیں لائق نئیں جو جُھک تے اُوندی جُتی دا تسمہ کھول سگاں۔

مرقس 1:7 Iomraidhean Croise

متّی 3:11

مَیں تاں تُہاکُوں توبہ کیتے پانڑی نال بپتسمہ ڈیندا ہاں پر جیہڑا میڈے بعد آندے او مَیں تُوں زیادہ زور آور ہے۔ مَیں تاں اُوندیاں جُتیاں چاوݨ دے وی لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

متّی 3:14

یُوحنّا ایہ آکھ تے اُونکُوں ہٹکنڑ لگا جو ”مَیں تاں خود تُہاڈے کنُوں بپتسمہ گِھننڑ دا مُتھاج ہاں تے تُساں میڈے کولھ آئے ہیوے؟“

مرقس 1:6

یُوحنّا اُٹھ دے والاں دا لباس پَیندا تے چمڑے دا پٹکا آپنڑی چیل نال بدھی رکھیندا تے ٹِڈیاں تے جنگلی ماکھی کھاندا ہا۔

مرقس 1:8

مَیں تاں تُہاکُوں پانڑی نال بپتسمہ ڈیندا ہاں پر او تُہاکُوں رُوح القُدس نال بپتسمہ ڈیسی۔“

لُوقا 3:16

تاں یُوحنّا سبھ کُوں جواب ءچ آکھیا، ”مَیں تاں تُہاکُوں پانڑی نال بپتسمہ ڈیندا ہاں، پر جیہڑا مَیں کنُوں زور آور ہے، او آوݨ آلا ہے۔ مَیں اُوندی جُتی دا تسمہ کھولنڑ دے لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

یُوحنّا 1:27

او میڈے بعد آوݨ آلا ہے تے مَیں تاں اُوندی جُتی دا تسمہ کھولنڑ دے وی لائق نئیں۔“

اعمال 13:25

جِیں ویلے یُوحنّا دا کم پُورا تھیوݨ آلا ہا تاں اُوں آکھیا جو ’تُساں میکُوں کیا سمجھدے ہیوے؟ مَیں او نئیں بلکہ ڈیکھو میڈے بعد او بندہ آوݨ آلا ہے جیندے پیراں دی جُتیاں دا تسمہ مَیں کھولنڑ دے لائق نئیں۔‘

اعمال 19:4

پولُس آکھیا ”یُوحنّا تاں توبہ دا بپتسمہ ڈِتا تے آکھیا جو ’او جیہڑا میڈے بعد آوݨ آلا ہے تُساں اُوندے اُتے اِیمان گِھن آؤ یعنی یسُوع اُتے‘۔“