مرقس 1:21 - کِتاب مُقدّس سرائیکی ترجمہ

²¹ وَل او کفرنحُوم ءچ داخل تھئے تے جِینویں ای سبت دا ڈینہہ آیا تاں یسُوع عبادت خانہ ءچ وَنج تے تعلیم ڈیوݨ لگا۔

مرقس 1:21 Iomraidhean Croise

متّی 4:13

تے ناصرت کُوں چھوڑ تے کفرنحُوم ءچ راہنڑ لگا، جیہڑا جھیل دے کنارے زبُولُون تے نفتالی دی سرحد اُتے ہے،

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

مرقس 1:20

اُوں اُنہاں کُوں ڈیدھے ای سڈ گِھدا تے او آپنڑے پِیُو کُوں کشتی اُتے مزدُوراں دے نال چھوڑ تے اُوندے پِچُھوں ٹُر پئے۔

مرقس 1:29

او عبادت خانہ ءچوں باہر نِکلدے ای یعقُوب تے یُوحنّا دے نال شمعون تے اندریاس دے گھر آئے۔

مرقس 1:33

تے سارا شہر دروازے اُتے کٹھا تھی گِیا۔

مرقس 1:39

تے او سارے گلیل ءچ اُنہاں دے عبادت خانیاں ءچ تبلیغ کریندا تے بدرُوحاں کُوں کڈھیندا ریہا۔

مرقس 10:1

وَل یسُوع اُتھوں کنُوں روانہ تھی تے یردن دے پار یہُودیہ دے علاقے ءچ آیا۔ بِھیڑ اُوندے کولھ وَل جمع تھی گئی تے او آپنڑے دستور دے مطابق اُنہاں کُوں تعلیم ڈیوݨ لگا۔

مرقس 2:1

کئی ڈینہاں بعد جِیں ویلے یسُوع ولا کفرنحُوم ءچ آیا تاں لوکاں سُنڑیا جو او گھر ءچ ہے۔

مرقس 3:1

یسُوع ولا عبادت خانہ ءچ داخل تھیّا تے اُتھاں ہِک بندہ ہا جِیندا ہِک ہتھ سُکیا ہویا ہا۔

مرقس 6:2

جِیں ویلے سبت دا ڈینہہ آیا تاں او عبادت خانہ ءچ تعلیم ڈیوݨ لگا تے بہُوں سارے لوک سُنڑ تے حیران تھئے تے آکھنڑ لگے ”ایہ گالھیں اُونکُوں کِتھوں آ گئیاں تے ایہ کیجھی حِکمت ہے جیہڑی اُونکُوں عطا کیتی گئی؟ تے ایجھے معجزے او کِینویں ظاہر کریندے؟

لُوقا 10:15

تے کفرنحُوم! کیا تُوں اسمان تئیں اُچا کیتا ویسیں؟ تُوں تاں عالم ِ ارواح ءچ لہایا ویسیں۔

لُوقا 13:10

وَل یسُوع سبت دے ڈینہہ کہیں عبادت خانہ ءچ تعلیم ڈیندا پِیا ہا،

لُوقا 4:16

وَل یسُوع ناصرت ءچ آیا جِتھاں او پلیا ہا تے آپنڑے دستور دے مطابق سبت دے ڈینہہ عبادت خانہ ءچ گِیا تے تلاوت کرݨ کیتے کھڑا تھیّا۔

لُوقا 4:23

یسُوع اُنہاں کُوں آکھیا، ”بے شک تُساں ایہ کہاوت میڈے اُتے اکھیسو جو ’حکیم! آپنڑے آپ کُوں تاں چنگا کر۔‘ تے ایہ وی اکھیسو، ’جیہڑے گالھیں اساں کفرنحُوم ءچ تھیندیاں سُنڑیاں ہَن، آپنڑے وطن ءچ وی کر‘۔“

اعمال 17:2

پولُس آپنڑے دستور دے مطابق عبادت خانے ءچ گِیا تے ترے سبتاں تئیں خُدا دے کلام ءچوں اُنہاں نال بحث کریندا ریہا۔

اعمال 18:4

پر او ہر سبت، عبادت خانہ ویندا تے یہُودیاں تے یُونانیاں نال بحث کر تے اُنہاں کُوں قائل کریندا ہا۔