مرقس 1:14 - کِتاب مُقدّس سرائیکی ترجمہ

¹⁴ وَل یُوحنّا دے پکڑوائے ونجنڑ دے بعد یسُوع گلیل ءچ آیا تے خُدا دی بادشاہی دی خوشخبری دی تبلیغ کیتی۔

مرقس 1:14 Iomraidhean Croise

متّی 11:2

تے یُوحنّا قید خانہ ءچوں مسیح دے کماں دے بارے ءچ سُنڑ تے آپنڑے شاگرداں دی معرفت اُونکُوں پُچھوا بھیجیا

متّی 14:2

تے آپنڑے نوکراں کُوں آکھیا جو ”ایہ یُوحنّا بپتسمہ ڈیوݨ آلا ہے۔ او مُردیاں ءچوں زندہ تھی گئے، اِیں واسطے او معجزے ڈکھیندے۔“

متّی 4:12

جِیں ویلے یسُوع ایہ سُنڑیا جو یُوحنّا پکڑوا ڈِتا گئے تاں او گلیل دے علاقے دو وَل گِیا۔

متّی 4:17

اُوں ویلے تُوں یسُوع تبلیغ کرݨ تے ایہ آکھنڑ شروع کیتا، ”توبہ کرو کیوں جو اسمان دی بادشاہی نیڑے آ گئی ہے۔“

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

متّی 9:35

یسُوع سارے شہراں تے دیہاتاں ءچ وَنج تے اُنہاں دے عبادت خانیاں ءچ تعلیم ڈیندا تے بادشاہی دی خوشخبری سُنڑیندا تے ہر طرحاں دی بیماری تے کمزوری کُوں دُور کریندا ریہا۔

لُوقا 3:20

اِیندے اُتے ہیرودیس اِنہاں سبھ کنُوں ودھ تے ایہ وی کیتا جو یُوحنّا کُوں قید ءچ سَٹ ڈِتا۔

لُوقا 8:1

کُجھ عرصے بعد یسُوع آپنڑے بارہاں رسُولاں نال شہراں تے وستیاں ءچ وَنج تے خُدا دی بادشاہی دی خوشخبری سُنڑیندا تے تبلیغ کریندا ریہا۔

اعمال 20:25

ہُنڑ مَیں جانڑدا ہاں جو تُساں جِنہاں ءچ مَیں خُدا دی بادشاہی دی تبلیغ کریندا ریہا ہاں میکُوں وَل نہ ڈیکھسو۔

اعمال 28:23

وَل اُنہاں پولُس دے گالھیں سُنڑݨ کیتے ہِک ڈینہہ مقرر کیتا۔ جِیں ویلے او ڈینہہ آیا تاں او پہلے کنُوں وی زیادہ تعداد ءچ اُوں گھر ءچ آئے جِتھاں او راہندا ہا۔ سویل تُوں گِھن تے شام تئیں پولُس اُنہاں کُوں سمجھا سمجھا تے خُدا دی بادشاہی دے بارے ءچ گواہی ڈِتی تے مُوسیٰ دی توریت تے نبیاں دے صحیفیاں ءچوں اُنہاں کُوں یسُوع دے بارے ءچ قائل کرݨ دی کوشش کیتی۔

رومیوں 1:1

ایہ خط میں پولُس دی طرفوں ہے جیہڑا یسُوع مسیح دا خادم ہاں۔ میں رسُول ہووݨ کیتے سڈیا گِیا ہاں تے خُدا دی خوشخبری سُناوݨ کیتے مقرر کیتا گِیا ہاں۔

اِفِسیوں 2:17

تے اُوں تُساں غیر قوم آلیاں کُوں جیہڑے کہیں ویلے اُوندے کنُوں دُور ہَوے تے یہُودیاں کُوں وی جیہڑے اُوندے نزدیک ہَن، ڈُوہائیں کُوں صُلح دی خوشخبری ڈِتی۔