متّی 2:2 - کِتاب مُقدّس سرائیکی ترجمہ

² ”یہُودیاں دا بادشاہ جیہڑا جمے او کِتھاں ہے؟ کیوں جو اساں سِجھ اُبھار آلے پاسے اُوندا تارہ ڈیکھ تے اُونکُوں سجدہ کرݨ آئے ہیں۔“

متّی دی راہِیں اِنجِیل سرائیکی بولی اِچ

² اَتے اُنہیں پُچھیا، ”او ٻال کِتھاں ہے جیرھا بنی‌اِسرائیل دا بادشاہ بݨن کیتے ڄائے؟ کیوں جو اَساں پُواَدھ اِچ اُوندا تارا ݙِٹھے اَتے اُوندے اَڳوں جُھک کرائیں اُونکُوں سِجدہ کرَݨ آئے ہَیں۔“

متّی 2:2 Iomraidhean Croise

متّی 2:3

ایہ سُنڑ تے ہیرودیس بادشاہ تے اُوندے نال یروشلیم دے سبھ لوک گھبرا گئے۔

متّی 21:5

”صِیُّون دے لوکاں کُوں آکھو جو، ڈیکھو تُہاڈا بادشاہ تُہاڈے کولھ آندا پِیا ہے او حلیم ہے تے گڈھاں اُتے سوار ہے، بلکہ گڈھاں دے بچّے اُتے۔“

متّی 27:11

یسُوع گورنر دے سامنڑے کھڑا ہا، تے گورنر اُونکُوں پُچھنڑ لگا، ”کیا تُوں یہُودیاں دا بادشاہ ہیں؟“ یسُوع جواب ڈِتا، ”ایہ تُوں خود آدھیں۔“

لُوقا 19:38

جو ”مُبارک ہے او بادشاہ جیہڑا رب العالمین دے ناں کنُوں آندا ہے۔ اسمان اُتے صُلح تے سبھ تُوں اُچے اسمان اُتے خُدا دا جلال!“

لُوقا 2:11

اَج داؤد دے شہر ءچ تُہاڈے کیتے ہِک نجات ڈیوݨ آلا پیدا تھئے یعنی المسیح جیہڑا خُداوند ہے۔

لُوقا 23:3

پِیلاطُس اُوں کنُوں پُچھیا، ”کیا تُوں یہُودیاں دا بادشاہ ہیں؟“ یسُوع جواب ءچ اُونکُوں آکھیا، ”تُوں خود آدھیں۔“

لُوقا 23:38

یسُوع دے سر اُتوں ہِک تختی وی لائی گئی جیندے اُتے لِکھیا ہا جو ”ایہ یہُودیاں دا بادشاہ ہے۔“

یُوحنّا 1:49

نتن ایل آکھیا، ”ربّی! تُساں خُدا دے پوتر ہیوے۔ تُساں اِسرائیل دے بادشاہ ہیوے۔“

یُوحنّا 12:13

کھجور دیاں لڑیاں گِھدیاں تے اُوندے اِستقبال کیتے آئے تے نعرے مارݨ لگے جو ”ہوشعنا! مُبارک ہے او جیہڑا رب العالمین دے ناں تُوں آندا ہے تے اِسرائیل دا بادشاہ ہے۔“

یُوحنّا 18:37

پِیلاطُس اُونکُوں آکھیا، ”بس کیا تُوں بادشاہ ہیں؟“ یسُوع جواب ڈِتا، ”تُوں خود آدھیں جو مَیں بادشاہ ہاں۔ مَیں اِیں واسطے پیدا تھیّا تے اِیں مقصد نال دُنیا ءچ آیا ہاں جو سچائی دی گواہی ڈیواں۔ جیہڑا کوئی سچائی دا طرفدار ہے، او میڈی اواز سُنڑدے۔“

یُوحنّا 19:19

تے پِیلاطُس ہِک تختی اُتے لِکھوا تے صلیب اُتے لٹکا ڈِتی۔ اُوندے اُتے ایہ لِکھیا ہا ”یسُوع ناصری یہُودیاں دا بادشاہ۔“

یُوحنّا 20:28

توما اُونکُوں آکھیا، ”میڈے خُداوند! میڈے خُدا!“

یُوحنّا 5:23

تاں جو سبھ لوک پوتر دی وی عزت کرݨ جِینویں باپ دی عزت کریندے ہِن۔ جیہڑا پوتر دی عزت نئیں کریندا او باپ دی وی جئیں پوتر کُوں بھیجیا ہے، عزت نئیں کریندا۔

یُوحنّا 9:38

اُوں آکھیا، ”مالک! مَیں اِیمان گِھن آندا ہاں۔“ تے اُونکُوں سجدہ کیتا۔

عبرانیوں 1:6

تے وَل جِیں ویلے خُدا آپنڑے پلوٹھے کُوں دُنیا ءچ گِھن آندے تاں اکھیندے جو ”خُدا دے سبھ فرشتے اُونکُوں سجدہ کرݨ۔“

مُکاشفہ 22:16

مَیں یسُوع آپنڑا فرشتہ اِیں واسطے بھیجیا ہے جو او کلیسیاواں کیتے اِنہاں گالھیں دی تُہاڈے اگُوں گواہی ڈیوے۔ مَیں داؤد دی اصل تے نسل تے صُبح دا نُورانی تارہ ہاں۔“