لُوقا 9:41 - کِتاب مُقدّس سرائیکی ترجمہ

⁴¹ یسُوع آکھیا، ”بےاعتقاد تے گُمراہ قوم! مَیں کڈݨ تئیں تُہاڈے نال راہساں تے تُہاڈی برداشت کریساں؟ آپنڑے پوتر کُوں اِتھاں گِھن آ۔“

لُوقا 9:41 Iomraidhean Croise

متّی 11:28

محنت کرݨ آلیو تے بھار تلے دبے ہوئے لوکو! سبھ میڈے کولھ آؤ۔ مَیں تُہاکُوں آرام ڈیساں۔

متّی 12:39

اُوں جواب ڈے تے آکھیا، ”اِیں زمانے دے بُرے تے زِناکار لوک نشان ڈیکھنڑ چاہندے ہِن پر یُوناہ نبی دے نشان دے علاوہ بِیا کوئی نشان اُنہاں کُوں نہ ڈِتا ویسی۔

متّی 12:45

وَل او وَنج تے آپنڑے کنُوں وی بدتر سَت بئیاں بدرُوحاں کُوں نال گِھن آندی ہے تے او اندر وَنج تے راہنڑ لگدیاں ہِن تے اُوں بندے دا حال پہلے کنُوں وی بُرا تھی ویندے۔ اِیں زمانے دے بُرے لوکاں دا حال وی ایجھا ای ہوسی۔“

متّی 16:4

اِیں زمانے دے بدکار تے زِنا کار لوک نشان منگدے ہِن پر اُنہاں کُوں یُوناہ دے نشان دے علاوہ بِیا کوئی نشان نہ ڈِتا ویسی۔“ تے او اُنہاں کُوں چھوڑ تے چلا گِیا۔

متّی 17:17

یسُوع جواب ءچ آکھیا، ”بےاعتقاد تے گُمراہ قوم! مَیں کڈݨ تئیں تُہاڈے نال راہساں؟ کڈݨ تئیں تُہاڈی برداشت کریساں؟ اُونکُوں میڈے کولھ گِھن آؤ۔“

متّی 23:36

مَیں تُہاکُوں سچ آدھا ہاں جو اِیں زمانے دے لوکاں کُوں اِنہاں سارے گالھیں دا ذمہ دار کھڑایا ویسی۔

متّی 3:7

پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

مرقس 10:14

یسُوع ایہ ڈیکھ تے ناراض تھیّا تے اُنہاں کُوں آکھیا، ”بالاں کُوں میڈے کولھ آوݨ ڈیؤ، اُنہاں کُوں نہ ہٹکو، کیوں جو خُدا دی بادشاہی ایجھیاں ای دی ہے۔

مرقس 10:49

یسُوع کھڑ تے آکھیا، ”اُونکُوں سڈو۔“ بس اُنہاں اُوں اندھے کُوں اواز ڈِتی تے آکھیا، ”حوصلہ رکھ، اُٹھی او تیکُوں سڈیندے۔“

مرقس 9:19

یسُوع جواب ءچ اُنہاں کُوں آکھیا، ”بےاعتقادو! مَیں کڈݨ تئیں تُہاڈے نال راہساں؟ کڈݨ تئیں تُہاڈی برداشت کریساں؟ اُونکُوں میڈے کولھ گِھن آؤ۔“

لُوقا 8:25

اُوں اُنہاں کُوں آکھیا، ”تُہاڈا اِیمان کِتھاں گِیا؟“ او ڈر گئے تے بہُوں حیران تھی تے ہِک بئے کُوں آکھنڑ لگے، ”ایہ کوݨ ہے؟ ایہ تاں ہوا تے پانڑی کُوں وی حُکم ڈیندے تے او اُوندی منیندے ہِن۔“

لُوقا 9:40

مَیں تُہاڈے شاگرداں دی مِنت کیتی ہئی جو او بدرُوح کُوں کڈھ ڈیوݨ پر او نہ کڈھ سگے۔“

لُوقا 9:42

او آندا ای پِیا ہا جو بدرُوح اُونکُوں زمین اُتے زور نال سَٹ تے مروڑیا۔ پر یسُوع اُوں بدرُوح کُوں دَڑکا ڈِتا تے چھوہر کُوں شِفا بخشی، تے اُوندے پِیُو کُوں ڈے ڈِتا۔

یُوحنّا 14:9

یسُوع اُونکُوں آکھیا، ”فِلپُس! مَیں اِتی عرصے تُوں تُہاڈے نال ہاں، کیا تُوں میکُوں نئیں جانڑدا؟ جئیں میکُوں ڈِٹھے، اُوں باپ کُوں ڈِٹھے۔ تُوں کیوں آدھیں جو ساکُوں باپ ڈِکھا؟

یُوحنّا 20:27

وَل اُوں توما کُوں آکھیا، ”آپنڑی انگل اِتھاں رکھ تے میڈے ہتھاں کُوں ڈیکھ تے آپنڑا ہتھ ودھا تے میڈی پسلی ءچ پا۔ بےاعتقاد نہ تھی بلکہ اعتقاد رکھ۔“

اعمال 13:18

تے تقریباً چالیہہ سال تئیں اُنہاں دیاں عادتاں کُوں بیابان ءچ برداشت کریندا ریہا۔

اعمال 2:40

تے پطرس مزید بہُوں سارے گالھیں کیتیاں تے اُنہاں کُوں ایہ نصیحت کیتی جو ”آپنڑے آپ کُوں اِیں بدکار قوم کنُوں بچائی رکھو۔“

رومیوں 2:4

کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

عبرانیوں 3:19

اِینویں اساں ڈیدھے ہیں جو او اِیمان نہ رکھنڑ دی وجہ تُوں اُوں ارام دی جاہ ءچ داخل نہ تھی سگے۔

عبرانیوں 4:11

اِیں واسطے آؤ، اساں اُوں ارام ءچ داخل تھیوݨ دی پُوری کوشش کرُوں تاں جو کوئی بندہ پِیُو ڈاڈا دے نافرمانی دے نمونے اُتے ٹُر تے، ڈھے نہ پووے۔

عبرانیوں 4:2

کیوں جو جِینویں اُنہاں لوکاں خوشخبری سُنڑی اُونویں ای اساں وی خوشخبری سُنڑی ہے، پر جیہڑا پیغام اُنہاں سُنڑیا او اُنہاں کیتے بے فائدہ ثابت تھیّا کیوں جو اُنہاں اُونکُوں اِیمان نال نہ سُنڑیا۔

عبرانیوں 7:25

اِینویں ای جیہڑے لوک یسُوع دے وسیلے نال خُدا دے کولھ آندے ہِن، او اُنہاں کُوں پُوری پُوری نجات ڈے سگدے کیوں جو او اُنہاں دی شفاعت کرݨ کیتے ہمیشاں زندہ ہے۔