لُوقا 9:19 - کِتاب مُقدّس سرائیکی ترجمہ

¹⁹ اُنہاں جواب ڈِتا، ”یُوحنّا بپتسمہ ڈیوݨ آلا، تے کُجھ ایلیّاہ آدھے ہِن، تے کُجھ ایہ جو پُرانڑے نبیاں ءچوں کوئی زندہ تھی گِیا ہے۔“

لُوقا 9:19 Iomraidhean Croise

متّی 14:2

تے آپنڑے نوکراں کُوں آکھیا جو ”ایہ یُوحنّا بپتسمہ ڈیوݨ آلا ہے۔ او مُردیاں ءچوں زندہ تھی گئے، اِیں واسطے او معجزے ڈکھیندے۔“

متّی 3:1

اُنہاں ڈینہاں ءچ یُوحنّا بپتسمہ ڈیوݨ آلا آیا تے یہُودیہ دے بیابان ءچ ایہ منادی کرݨ لگا جو

مرقس 6:14

ہیرودیس بادشاہ یسُوع دا ذِکر سُنڑیا کیوں جو اُوندا ناں مشہور تھی گِیا ہا۔ کُجھ لوکاں آدھے ہَن جو ”یُوحنّا بپتسمہ ڈیوݨ آلا مُردیاں ءچوں زندہ تھی گئے، اِیں واسطے او معجزے ڈکھیندے۔“

مرقس 6:15

پر کُجھ لوک آدھے ہَن جو ”ایلیّاہ ہے،“ تے کُجھ ایہ جو ”پُرانڑے زمانے دے نبیاں آلی کار کوئی نبی ہے۔“

لُوقا 9:18

ہِک ڈینہہ جِیں ویلے یسُوع کلھا دُعا کریندا پِیا ہا تے شاگرد اُوندے کولھ ہَن تاں اُوں اُنہاں کنُوں پُچھیا، ”لوک میکُوں کیا آدھے ہِن؟“

لُوقا 9:20

اُوں اُنہاں کنُوں پُچھیا، ”پر تُساں میکُوں کیا آدھے ہیوے؟“ پطرس جواب ڈِتا، ”خُدا دے المسیح۔“

یُوحنّا 1:21

اُنہاں یُوحنّا کنُوں پُچھیا، ”وَل تُساں کوݨ ہیوے؟ کیا تُساں ایلیّاہ ہیوے؟“ یُوحنّا جواب ڈِتا، ”مَیں نئیں۔“ ”کیا تُساں او نبی ہیوے؟“ یُوحنّا جواب ڈِتا، ”نئیں۔“

یُوحنّا 1:25

اُنہاں یُوحنّا کنُوں ایہ پُچھیا، ”جے تُساں نہ المسیح ہیوے، نہ ایلیّاہ، نہ او نبی تاں وَل بپتسمہ کیوں ڈیندے ہیوے؟“

یُوحنّا 7:40

ایہ گالھیں سُنڑ تے بِھیڑ ءچوں بعض آکھیا، ”بیشک اِیہو او نبی ہے۔“

یُوحنّا 9:17

وَل اُنہاں ولا اُوں اندھے کُوں آکھیا، ”جئیں بندے تیڈے اکھیں کھولیاں ہِن اُوندے بارے ءچ تیڈا کیا خیال ہے؟“ اُوں جواب ڈِتا، ”او نبی ہے۔“