لُوقا 8:47 - کِتاب مُقدّس سرائیکی ترجمہ

⁴⁷ جِیں ویلے اُوں عورت ڈِٹھا جو مَیں لُک نئیں سگدی تاں کمبدی ہوئی آئی تے اُوندے اگُوں ڈھے تے سارے لوکاں دے سامنڑے ڈساوݨ لگی جو مَیں تیکُوں کیوں ہتھ لایا ہا تے کِینویں اُوں ویلے ای شِفا پا گِھدی۔

لُوقا 8:47 Iomraidhean Croise

متّی 28:8

او ڈر تے وڈی خوشی نال قبر کنُوں فوراً باہر آئیاں تے بھجدِیاں بھجدِیاں گئیاں تاں جو شاگرداں کُوں خبر پُچاوݨ۔

مرقس 5:33

او عورت ایہ جاݨ تے جو اُوندے اندر کیا تھئے ڈردی تے کمبدی ہوئی آئی تے اُوندے اگُوں ڈھے تے اُونکُوں ساری حقیقت ڈسائی۔

لُوقا 8:46

پر یسُوع آکھیا، ”کہیں میکُوں ہتھ تاں ضرور لائے کیوں جو میکُوں معلوم تھئے جو قوت میڈے ءچوں نِکلی ہے۔“

لُوقا 8:48

یسُوع اُونکُوں آکھیا، ”دِھی تیڈے اِیمان تیکُوں چنگا کر ڈِتے، خیر نال وَنج۔“

اعمال 16:29

داروغہ ڈیوا چوا تے اندر گِیا تے کمبدا ہویا پولُس تے سِیلاس دے پیراں ءچ ڈھے پِیا۔

1کُرِنتھِیوں 2:3

مَیں کمزوری تے ڈر دی حالت ءچ کمبدا ہویا تُہاڈے کولھ آیا۔

2کُرِنتھِیوں 7:15

جِیں ویلے اُونکُوں یاد آندے جو تُساں کِتنے فرمانبردار ہَوے تے کِینویں ڈردے تے کمبدے ہوئے اُوندا اِستقبال کیتا، تاں اُوندی محبت تُہاڈے نال بئی وی زیادہ تھی ویندی ہے۔

فِلِپّیوں 2:12

بس میڈے عزیزو، جِینویں تُساں ہمیشاں فرمانبرداری کیتی ہے، اُونویں ای ہُنڑ وی نہ صرف میڈی موجودگی ءچ بلکہ غیر موجودگی ءچ وی، ڈردے تے کمبدے ہوئے آپنڑی نجات دے کم کریندے راہو۔

عبرانیوں 12:28

اِیں واسطے جڈاں ساکُوں ایجھی بادشاہی مِلدی پئی ہے، جیہڑی ہلائی نئیں وَنج سگدی، تاں آؤ اساں شُکر کرُوں تے خوف تے احترام نال خُدا دی ایجھی عبادت کرُوں جیہڑی اُونکُوں پسند ہے۔