لُوقا 8:44 - کِتاب مُقدّس سرائیکی ترجمہ

⁴⁴ اُوں یسُوع دے پِچُھوں آ تے اُوندی پُشاک دے پَلے کُوں ہتھ لایا، تے فوراً اُوندا خون واہنڑ بند تھی گِیا۔

لُوقا 8:44 Iomraidhean Croise

متّی 20:34

یسُوع کُوں اُنہاں اُتے ترس آیا تے اُنہاں دے اکھیں کُوں ہتھ لایا تے او فوراً ڈیکھنڑ لگ پئے تے اُوندے پِچُھوں ٹُر پئے۔

متّی 8:3

یسُوع آپنڑا ہتھ ودھا تے اُوندے اُتے رکھیا تے آکھیا، ”مَیں چاہندا ہاں، پاک صاف تھی وَنج۔“ او فوراً کوڑھ تُوں پاک صاف تھی گِیا۔

متّی 9:20

تے ڈیکھو ہِک تریمت جِیندا بارہاں سالہاں کنُوں خون جاری ہا اُوندے پِچُھوں آ تے اُوندی پُشاک دے پَلے کُوں ہتھ لایا،

مرقس 6:56

تے وستیاں، شہراں تے دیہاتاں ءچ جِتھاں وی او ویندا ہا لوک بیماراں کُوں بازاراں ءچ رکھ ڈیندے ہَن تے اُوندی مِنت کریندے ہَن جو او اُنہاں کُوں صرف آپنڑے کپڑے کُوں ہتھ لاوݨ ڈیوے۔ تے جیہڑے اُونکُوں ہتھ لا گِھندے ہَن، ٹھیک تھی ویندے ہَن۔

لُوقا 13:13

وَل اُوں آپنڑے ہتھ اُوندے اُتے رکھے تے او اُونہی ویلے سِدھی تھی گئی تے خُدا دی حمد کرݨ لگ پئی۔

لُوقا 7:38

تے اُوندے پِچُھوں کھڑ تے روندے ہوئے اُوندے پیراں کُوں ہنجُواں نال پُساوݨ لگی تے آپنڑے والاں نال پُونجھیا، تے اُوندے پیراں کُوں بوسے ڈے تے اُنہاں اُتے عِطر لایا۔

لُوقا 8:43

بِھیڑ ءچ ہِک تریمت ہئی جِیندا بارہاں سالہاں کنُوں خون جاری ہا تے او آپنڑا سارا مال حکیماں اُتے خرچ کیتا ہئی، وَل وی کہیں کنُوں شِفا نہ پا سگی ہئی۔

لُوقا 8:45

وَل یسُوع آکھیا، ”میکُوں کئیں ہتھ لائے؟“ جِیں ویلے سارے اِنکار کرݨ لگے تاں پطرس آکھیا، ”اُستاد! لوک ہِک بئے کُوں دھکے ڈیندے تے تُہاڈے اُتے ڈھاندے پئے ہِن۔“

یُوحنّا 5:13

پر شِفا پاوݨ آلے بندے کُوں پتہ نہ ہا جو اُونکُوں آکھنڑ آلا کوݨ ہا کیوں جو یسُوع بِھیڑ دے سببّوں اگُوں نِکل گِیا ہا۔

اعمال 19:12

اِتُھوں تئیں جو رومال تے پٹکے جیہڑے اُوندے جِسم نال لگدے ہَن، بیماراں اُتے سٹے ویندے ہَن تے او آپنڑیاں بیماریاں تُوں شِفا پا گِھندے ہَن، تے بدرُوحاں اُنہاں ءچوں نِکل ویندیاں ہَن۔

اعمال 5:15

اِتُھوں تئیں جو لوک بیماراں کُوں کَھٹاں تے چٹائیاں اُتے گِھن گِھن تے سڑکاں اُتے سَٹ ڈیندے ہَن، تاں جو جِیں ویلے پطرس اُتھوں لنگھے تاں گھٹ و گھٹ اُوندا پرچھانواں ای اُنہاں اُتے پے ونجے۔