لُوقا 8:40 - کِتاب مُقدّس سرائیکی ترجمہ

⁴⁰ جِیں ویلے یسُوع واپس آندا پِیا ہا تاں لوک اُونکُوں خوشی نال مِلے کیوں جو سارے اُوندی راہ بَھلیندے ہَن۔

لُوقا 8:40 Iomraidhean Croise

متّی 9:1

وَل یسُوع کشتی ءچ سوار تھی تے پار گِیا تے آپنڑے شہر ءچ آیا۔

مرقس 12:37

داؤد تاں خود اُونکُوں مالک آدھے وَل او اُوندا پوتر کِینویں تھی سگدے؟“ سبھ لوک خوشی نال یسُوع دی سُنڑدے ہَن۔

مرقس 5:21

جِیں ویلے یسُوع کشتی ءچ جھیل دے پار گِیا تاں اُتھاں وڈی بِھیڑ اُوندے کولھ آئی، تے او جھیل دے کنارے اُتے ہا۔

مرقس 6:20

کیوں جو ہیرودیس بادشاہ یُوحنّا کُوں ہِک نیک تے پاک بندہ جاݨ تے اُوندے کنُوں ڈردا ہا تے اُوندی حفاظت کریندا ہا۔ او اُوندے گالھیں سُنڑ تے بہُوں حیران تھی ویندا، پر وَل وی خوشی نال سُنڑدا ہا۔

لُوقا 19:48

پر اُنہاں کُوں اِینویں کرݨ دا موقع نہ مِلدا پِیا ہا جو ایہ کِینویں کرݨ کیوں جو سارے لوک اُوندے گالھیں وڈے شوق نال سُنڑدے ہَن۔

لُوقا 19:6

زکّائی فوراً تلے لہہ آیا تے اُونکُوں خوشی نال آپنڑے گھر گِھن گِیا۔

لُوقا 5:1

ہِک ڈینہہ یسُوع گنّیسرت دی جھیل دے کنارے اُتے کھڑا ہا تے خُدا دا کلام سُنڑݨ کیتے بِھیڑ اُوندے اُتے ڈھاندی پئی ہئی۔

لُوقا 8:39

”آپنڑے گھر وَنج تے لوکاں کُوں ڈسا جو خُدا تیڈے کیتے کیجھے وڈے کم کیتے ہِن۔“ او روانہ تھی تے سارے شہر ءچ یسُوع دے وڈے کماں دا جیہڑے اُوں اُوندے واسطے کیتے ہَن چرچا کرݨ لگا۔

یُوحنّا 5:35

یُوحنّا چمکدا تے بلدا ہویا چراغ ہا تے تُساں کُجھ عرصے تئیں اُوندی روشنی ءچ خوش راہونڑا پسند کیتا۔

اعمال 10:33

بس مَیں فوراً تُہاکُوں سڈوا بھیجیا تے تُساں وی بہُوں چنگا کیتا جو آ گئے۔ ہُنڑ اساں سارے خُدا دے حضُور ءچ حاضر ہیں تاں جو جیہڑا کُجھ خُداوند تُہاکُوں آکھیا ہے، اُونکُوں سُنڑوں۔“