لُوقا 8:39 - کِتاب مُقدّس سرائیکی ترجمہ

³⁹ ”آپنڑے گھر وَنج تے لوکاں کُوں ڈسا جو خُدا تیڈے کیتے کیجھے وڈے کم کیتے ہِن۔“ او روانہ تھی تے سارے شہر ءچ یسُوع دے وڈے کماں دا جیہڑے اُوں اُوندے واسطے کیتے ہَن چرچا کرݨ لگا۔

لُوقا 8:39 Iomraidhean Croise

مرقس 1:45

پر او اُتھوں نِکل تے ہر کہیں کُوں ڈساوݨ لگا تے اِیں گالھ کُوں اِتنا مشہور کر ڈِتا جو یسُوع کہیں وی شہر ءچ ظاہری طور تے داخل نہ تھی سگیا، بلکہ باہر ویران جاہیں ءچ ریہا تے لوک چودھارُوں اُوندے کولھ آندے ہَن۔

مرقس 5:18

جِیں ویلے یسُوع کشتی ءچ چڑھن لگا تاں او بندہ جیہڑا پہلے بدرُوحاں ءچ گرفتار ہا، اُوندی مِنت کرݨ لگا جو ”مَیں تُہاڈے نال ویساں۔“

مرقس 5:19

پر اُوں اُونکُوں اِجازت نہ ڈِتی بلکہ اُونکُوں آکھیا، ”گھر وَنج تے آپنڑے لوکاں کُوں ڈسا جو خُداوند تیڈے کیتے کتنے وڈے کم کیتے تے تیڈے اُتے رحم کیتا۔“

لُوقا 8:38

پر جیہڑے بندے ءچوں بدرُوحاں نِکل گئیاں ہَن، او اُوندی مِنت کرݨ لگا جو ”میکُوں آپنڑے نال ای ونجنڑ ڈیؤ۔“ پر یسُوع اُونکُوں روانہ کر تے آکھیا،

لُوقا 8:40

جِیں ویلے یسُوع واپس آندا پِیا ہا تاں لوک اُونکُوں خوشی نال مِلے کیوں جو سارے اُوندی راہ بَھلیندے ہَن۔

یُوحنّا 4:29

”آؤ، ہِک بندے نال مِلو جئیں میکُوں سبھ کُجھ جیہڑا مَیں ہُنڑ تئیں کیتا ہا، ڈسا ڈِتے۔ کیا اِیہو المسیح تاں نئیں؟“

1 تِیمُتھِیُس 5:8

جیہڑا بندہ آپنڑے رشتہ داراں، خاص کر آپنڑے گھر آلیاں دا خیال نئیں کریندا او اِیمان دا مُنکر ہے تے غیر اِیمانداراں کنُوں وی بدتر ہے۔