لُوقا 8:30 - کِتاب مُقدّس سرائیکی ترجمہ

³⁰ یسُوع اُوں کنُوں پُچھیا، ”تیڈا ناں کیا ہے؟“ اُوں آکھیا، ”لشکر،“ کیوں جو اُوندے ءچ بہُوں ساریاں بدرُوحاں ہَن۔

لُوقا 8:30 Iomraidhean Croise

متّی 26:53

تیکُوں پتہ نئیں جو مَیں آپنڑے باپ کنُوں مِنت کر سگدا ہاں تے او ہُنڑیں فرشتیاں دے بارہاں لشکراں کنُوں وی زیادہ میڈے کولھ بھیج ڈیسی؟

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

متّی 8:29

او چیخ تے آکھنڑ لگے، ”خُدا دے پوتر! ساکُوں تیڈے نال کیا کم؟ کیا تُوں وقت تُوں پہلے ای ساکُوں عذاب ءچ سٹنڑ آیا ہیں؟“

مرقس 16:9

ہفتے دے پہلے ڈینہہ جِیں ویلے یسُوع صُبح سویلے زندہ تھی گِیا تاں سبھ کنُوں پہلے مریم مگدلینی اُتے ظاہر تھیّا، جیندے ءچوں اُوں سَت بدرُوحاں کڈھیاں ہَن۔

مرقس 5:9

وَل یسُوع اُوں کنُوں پُچھیا، ”تیڈا ناں کیا ہے؟“ اُوں جواب ڈِتا، ”میڈا ناں لشکر ہے کیوں جو اساں بہُوں سارے ہاں۔“

لُوقا 8:2

تے کُجھ عورتاں جِنہاں بدرُوحاں تے بیماریاں کنُوں شِفا پاتی ہئی یعنی مریم جیہڑی مگدلینی اکھویندی ہئی جیندے ءچوں سَت بدرُوحاں نِکلیاں ہَن،

لُوقا 8:29

کیوں جو یسُوع بدرُوح کُوں بندے ءچوں نِکل ونجنڑ دا حُکم ڈیندا ہا۔ کیوں جو اُوں، اُوں بندے کُوں کئی پھیری پکڑیا ہا۔ تے بھانویں لوک اُونکُوں قابو ءچ رکھنڑ کیتے زنجیراں تے بیڑیاں نال بَدھ ڈیندے ہَن، وَل وی او زنجیراں کُوں تروڑ ڈیندا ہا تے بدرُوح اُونکُوں بیاباناں ءچ دُرکائی راہندی ہئی۔