لُوقا 8:3 - کِتاب مُقدّس سرائیکی ترجمہ

³ تے یُوأنہ ہیرودیس دے مُنشی خُوزہ دی ذال، تے سُوسنّاہ۔ تے کئی بئیاں عورتاں وی نال ہَن جیہڑیاں آپنڑے مال نال اُوندی خدمت کریندیاں ہَن۔

لُوقا 8:3 Iomraidhean Croise

متّی 14:1

اُوں ویلے ہیرودیس جیہڑا مُلک دے چوتھائی حصے اُتے حکُومت کریندا، ہا یسُوع دی شُہرت سُنڑی،

متّی 14:3

کیوں جو ہیرودیس یُوحنّا کُوں پکڑ تے بدھوایا تے قید خانے ءچ سٹوا ڈِتا ہا۔ اِیندی وجہ ہیرودیس دے بِھرا فِلپُس دی ذال ہیرودیاس ہئی۔

متّی 14:6

پر جِیں ویلے ہیرودیس دی سالگرہ تھئی تاں ہیرودیاس دی دِھی محفل ءچ مہماناں دے سامنڑے نَچ تے ہیرودیس کُوں خوش کیتا۔

متّی 2:11

وَل او اُوں گھر ءچ داخل تھئے تے بال کُوں اُوندی ماء مریم دے کولھ ڈیکھ تے اُوندے اگُوں سجدہ کیتا، تے آپنڑے ڈبے کھول تے سونا، لُبان تے مُر اُونکُوں نذر کیتا۔

متّی 20:8

جِیں ویلے شام تھئی تاں انگُوراں دے باغ دے مالک آپنڑے مُنشی کُوں آکھیا، ’آخر ءچ کم اُتے کھڑائے ہوئے مزدُوراں کنُوں گِھن تے پہلے تئیں سبھ کُوں سڈ تے اُنہاں دی مزدُوری ڈے چا۔‘

متّی 25:40

بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘

متّی 26:11

کیوں جو غریب تاں ہمیشاں تُہاڈے نال ہِن پر مَیں تُہاڈے نال ہمیشاں نہ راہساں۔

متّی 27:55

تے اُتھاں بہُوں ساریاں تریمتاں جیہڑیاں گلیل کنُوں یسُوع دی خدمت کریندیاں ہوئیاں اُوندے پِچُھوں پِچُھوں آئیاں ہَن، پرے کنُوں ڈیدھیاں پئیاں ہَن۔

لُوقا 24:10

جِنہاں عورتاں، رسُولاں کُوں اِنہاں گالھیں دی خبر ڈِتی او مریم مگدلینی، یُوأنہ، تے یعقُوب دی ماء مریم تے اُنہاں دے نال دیاں باقی عورتاں ہَن۔

یُوحنّا 12:6

اُوں ایہ اِیں واسطے نہ آکھیا ہا جو اُونکُوں غریباں دی فِکر ہئی بلکہ اِیں واسطے جو او چور ہا تے اُوندے کولھ پیسے آلی تھیلی ہوندی ہئی تے جیہڑا کُجھ اُوندے ءچ سٹیا ویندا ہا، اُوندے ءچوں او کُجھ کڈھ گِھندا ہا۔

اعمال 13:1

انطاکِیہ دی کلیسیا ءچ کئی نبی تے اُستاد ہَن یعنی برنباس تے شمعون جیہڑا کالا اکھویندے تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا ہا تے ساؤل۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

فِلِپّیوں 4:22

اِتھاں دے سارے مُقدّس لوک، خاص طور تے قیصر بادشاہ دے گھر آلے تُہاکُوں سلام آدھے ہِن۔

1 تِیمُتھِیُس 5:10

تے نیک کم کرݨ ءچ مشہور ہووے یعنی اُوں آپنڑے بالاں دی تربیت کیتی ہووے، مہمان نوازی کیتی ہووے، مُقدّساں دی خدمت ءچ اُنہاں دے پیر دھوتے ہووݨ، مُصیبت دے ماریاں دی مدد کیتی ہووے تے ہر نیک کم کرݨ ءچ مصروف ریہی ہووے۔