لُوقا 8:24 - کِتاب مُقدّس سرائیکی ترجمہ

²⁴ اُنہاں کولھ آ تے اُونکُوں جگایا تے آکھیا، ”مالک، مالک، اساں ہلاک تھیندے پئے ہیں!“ اُوں اُٹھی تے ہوا تے پانڑی دے زور شور کُوں دَڑکا ڈِتا۔ ڈوہائیں جھلیج گئے تے سکون تھی گِیا۔

لُوقا 8:24 Iomraidhean Croise

متّی 14:30

پر جیہڑے ویلے ہوا دا زور ڈِٹھا تاں ڈر گِیا تے جِیں ویلے ڈُبنڑ لگا تاں چیخ تے آکھیا، ”مالک! میکُوں بچاؤ۔“

متّی 8:25

شاگرداں کولھ آ تے اُونکُوں جگایا تے آکھیا، ”مالک! ساکُوں بچا۔ اساں ہلاک تھیندے پئے ہیں۔“

مرقس 4:39

اُوں جاگ تے ہوا کُوں دَڑکا ڈِتا تے جھیل کُوں آکھیا، ”خاموش تھی! رُک وَنج!“ بس ہوا رُک گئی تے بالکل سکون تھی گِیا۔

لُوقا 4:35

یسُوع اُونکُوں دَڑکا ڈے تے آکھیا، ”چُپ رہ تے اِیں بندے ءچوں نِکل وَنج۔“ بس او بدرُوح اُوں بندے کُوں اُنہاں دے سامنڑے زمین اُتے زور نال تلے سٹیا تے اُونکُوں تکلیف ڈِتے بغیر اُوندے ءچوں نِکل گئی۔

لُوقا 4:39

یسُوع اُوندے سرہانڑے کھڑ تے بُخار کُوں دَڑکا ڈِتا تاں او لہہ گِیا تے او فوراً اُٹھی تے اُوندی خدمت کرݨ لگ پئی۔

لُوقا 5:5

شمعون جواب ءچ آکھیا، ”اُستاد! اساں ساری رات محنت کیتی ہے پر کُجھ ہتھ نئیں آیا۔ وَل وی تُہاڈے آکھنڑ اُتے جال سٹیندا ہاں۔“

لُوقا 8:25

اُوں اُنہاں کُوں آکھیا، ”تُہاڈا اِیمان کِتھاں گِیا؟“ او ڈر گئے تے بہُوں حیران تھی تے ہِک بئے کُوں آکھنڑ لگے، ”ایہ کوݨ ہے؟ ایہ تاں ہوا تے پانڑی کُوں وی حُکم ڈیندے تے او اُوندی منیندے ہِن۔“