لُوقا 8:15 - کِتاب مُقدّس سرائیکی ترجمہ

¹⁵ پر چنگی زمین آلے او ہِن جیہڑے کلام کُوں سُنڑ تے سچے تے نیک دل ءچ سنبھالی رکھیندن تے صبر نال پھل گِھن آندے ہِن۔

لُوقا 8:15 Iomraidhean Croise

متّی 24:13

پر جیہڑا آخر تئیں برداشت کریسی اُوہو نجات پیسی۔

لُوقا 11:28

اُوں آکھیا، ”ہاں، پر جیہڑے لوک خُدا دا کلام سُنڑدے تے اُوندے اُتے عمل کریندے ہِن او زیادہ مُبارک ہِن۔“

لُوقا 6:45

چنگا بندہ آپنڑے دل دے چنگے خزانے ءچوں چنگیاں چیزاں کڈھیندے، تے بُرا بندہ بُرے خزانے ءچوں بُریاں چیزاں کڈھیندے، کیوں جو جیہڑا دل ءچ بھریا ہوندے اُوہو اُوندے مُنہ اُتے آندے۔

لُوقا 8:14

تے جیہڑا جھاڑیاں ءچ ڈھٹھا، اُوہو لوک ہِن جیہڑے سُنڑدے تاں ہِن پر آہستہ آہستہ زندگی دیاں فِکراں تے دولت تے عیش و عشرت ءچ پَھس ویندے ہِن تے اُنہاں دا پھل پکدا نئیں۔

لُوقا 8:16

کوئی بندہ ڈیوا بال تے تھاں نال نئیں لُکیندا تے نہ پلنگ تلے رکھیندا بلکہ ڈیواٹ اُتے رکھیندے تاں جو اندر آوݨ آلیاں کُوں روشنی نظر آوے۔

یُوحنّا 14:15

جے تُساں میڈے نال محبت کریندے ہیوے تاں میڈے حُکماں اُتے عمل کرو۔

یُوحنّا 15:10

جے تُساں میڈے حُکماں اُتے عمل کریسو تاں میڈی محبت ءچ قائم راہسو، جِینویں مَیں آپنڑے باپ دے حُکماں اُتے عمل کیتے تے اُوندی محبت ءچ قائم ہاں۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

رومیوں 6:22

پر ہُنڑ گُناہ دی غُلامی کنُوں آزاد تھی تے خُدا دی غُلامی ءچ آ گئے ہیوے۔ تے تُہاکُوں اِیندا پھل مِلدا پئے جئیں تُوں پاکیزگی حاصل تھیندی ہے تے جِیندا انجام ہمیشاں دی زندگی ہے۔

رومیوں 7:18

مَیں جانڑدا ہاں جو میڈے ءچ یعنی میڈے جِسم ءچ تاں کوئی نیکی نئیں وسدی۔ بھانویں نیکی کرݨ دا اِرادہ میڈے ءچ موجود ہے، پر مَیں اِیں اِرادے اُتے عمل نئیں کر سگدا۔

رومیوں 7:4

بِھراؤ! تُساں وی مسیح دے بدن دے وسیلے نال شریعت دے اعتبار نال مر گئے ہیوے تاں جو کہیں بئے دے تھی ونجو یعنی مسیح دے جیہڑا مُردیاں ءچوں زندہ کیتا گِیا تاں جو تُساں خُدا کیتے پھل گِھن آؤ۔

رومیوں 8:25

پر جے اساں اُوں چیز دی اُمید رکھیندے ہیں جیہڑی ہُنڑ ساڈے کولھ موجود نئیں، تاں اساں صبر نال اُوندا اِنتظار کریندے ہیں۔

1کُرِنتھِیوں 7:19

ختنہ کراوݨ یا نہ کراوݨ کوئی خاص گالھ نئیں بلکہ خُدا دے حُکماں اُتے عمل کرݨ ای سبھ کُجھ ہے۔

اِفِسیوں 2:8

کیوں جو تُہاکُوں اِیمان گِھن آوݨ دے وسیلے فضل نال ای نجات مِلی ہے۔ ایہ تُہاڈی طرفوں نئیں بلکہ خُدا دی بخشش ہے۔

فِلِپّیوں 1:11

تے یسُوع مسیح دے وسیلے نال راستبازی دے پھل نال بھریندے راہو۔ تے اِینویں خُدا دے جلال دی تعریف تھیوے۔

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

کلُسِّیوں 1:6

جیہڑی تُہاڈے کولھ پُجی ہے۔ او ساری دُنیا ءچ اِینویں پھل ڈیندی تے ودھدی ویندی ہے، جِینویں تُہاڈے ءچ وی کریندی پئی ہے، اُوں ڈینہہ کنُوں جڈاں تُساں خُدا دے فضل دے بارے ءچ سُنڑیا تے اُونکُوں سچ جانڑیا۔

عبرانیوں 10:36

تُہاکُوں وڈے صبر نال کم گِھننڑا چاہیدے تاں جو تُساں خُدا دی مرضی پُوری کر تے او چیز حاصل کر سگو جِیندا اُوں وعدہ کیتے۔

عبرانیوں 2:1

اِیں واسطے لازم ہے جو جیہڑا کلام اساں سُنڑے، اُوندے اُتے بِیا وی غور کرُوں، کِتھائیں اِینویں نہ تھیوے جو اساں وَیہہ تے اُوندے کنُوں دُور لگے ونجُوں۔

یعقُوب 1:4

تے صبر کُوں آپنڑا اثر پُورا کرݨ ڈیؤ تاں جو تُساں پکّے تے کامِل تھی ونجو تے تُہاڈے ءچ کہیں گالھ دی کمی نہ راہوے۔

1 یُوحنّا 2:3

جے اساں اُوندے حُکماں اُتے عمل کرُوں تاں ساکُوں یقین تھی ویندے جو اساں اُونکُوں جاݨ گِھدے۔