لُوقا 8:1 - کِتاب مُقدّس سرائیکی ترجمہ

¹ کُجھ عرصے بعد یسُوع آپنڑے بارہاں رسُولاں نال شہراں تے وستیاں ءچ وَنج تے خُدا دی بادشاہی دی خوشخبری سُنڑیندا تے تبلیغ کریندا ریہا۔

لُوقا 8:1 Iomraidhean Croise

متّی 11:1

تے جِیں ویلے یسُوع آپنڑے بارہاں شاگرداں کُوں حُکم ڈے چُکیا تاں او اُتھوں روانہ تھیّا تاں جو اُنہاں دے شہراں ءچ تعلیم ڈیوے تے تبلیغ کرے۔

متّی 13:19

جِیں ویلے کوئی بادشاہی دا کلام سُنڑدے پر سمجھدا نئیں تاں شیطان اُوں کلام کُوں جیہڑا اُوندے دل ءچ رہایا گِیا ہا کَھس گِھندے۔ ایہ او ہے جیہڑا راہ دے کنارے رہایا گِیا ہا۔

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

متّی 9:35

یسُوع سارے شہراں تے دیہاتاں ءچ وَنج تے اُنہاں دے عبادت خانیاں ءچ تعلیم ڈیندا تے بادشاہی دی خوشخبری سُنڑیندا تے ہر طرحاں دی بیماری تے کمزوری کُوں دُور کریندا ریہا۔

مرقس 1:39

تے او سارے گلیل ءچ اُنہاں دے عبادت خانیاں ءچ تبلیغ کریندا تے بدرُوحاں کُوں کڈھیندا ریہا۔

لُوقا 1:80

تے او چھوہر یُوحنّا ودھدا تے رُوح ءچ قوت پَیندا گِیا تے بنی اِسرائیل اُتے ظاہر تھیوݨ تئیں بیابان ءچ ریہا۔

لُوقا 20:1

ہِک ڈینہہ جِیں ویلے یسُوع ہیکل ءچ لوکاں کُوں تعلیم ڈیندا تے خوشخبری سُنڑیندا پِیا ہا تاں سردار کاہِن تے شریعت دے عالم، بزُرگاں دے نال اُوندے کولھ آئے،

لُوقا 4:18

”رب دا رُوح میڈے اُتے ہے کیوں جو اُوں میکُوں مسح کیتے تاں جو مَیں غریباں کُوں خوشخبری سُنڑاواں۔ اُوں میکُوں بھیجیا ہے جو قیدیاں کُوں رہائی تے اندھیاں کُوں اکھیں ڈیوݨ دا اعلان کراں کُچلے ہوئیاں کُوں آزاد کراں

لُوقا 9:6

بس او روانہ تھی تے ہر وستی ءچ وَنج تے خوشخبری دی تبلیغ کریندے تے مریضاں کُوں شِفا ڈیندے ریہے۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

اعمال 13:32

تے اساں تُہاکُوں اُوں وعدہ دے بارے ءچ جیہڑا ساڈے پِیُو ڈاڈا نال کیتا گِیا ہا، خوشخبری ڈیندے ہیں

رومیوں 10:15

تے خوشخبری کِینویں سُنڑاوݨ جئیں تئیں کوئی اُنہاں کُوں نہ بھیجے ؟ اِیں واسطے لِکھیا ہے جو ”اُنہاں دے پیر کیجھے بختاں آلے ہِن جیہڑے خوشخبری سُنڑیندن۔“