لُوقا 7:39 - کِتاب مُقدّس سرائیکی ترجمہ

³⁹ جئیں فریسی یسُوع دی دعوت کیتی ہئی او ایہ ڈیکھ تے آپنڑے دل ءچ آکھنڑ لگا جو ”جے ایہ بندہ نبی ہوندا تاں جاݨ گِھندا جو جیہڑی اُونکُوں ہتھ لیندی پئی ہے او کوݨ تے کیجھی عورت ہے، او تاں بدکار ہے۔“

لُوقا 7:39 Iomraidhean Croise

متّی 20:16

بس جیہڑے آخر ہِن اوّل، تے جیہڑے اوّل ہِن آخر تھی ویسن۔“

متّی 21:11

بِھیڑ آکھیا ”ایہ گلیل دے شہر ناصرت دا نبی یسُوع ہے۔“

مرقس 7:21

کیوں جو اندر کنُوں یعنی دل ءچوں بُرے خیال، حرامکاریاں، چوریاں، خون ریزیاں،

لُوقا 12:17

بس او آپنڑے دل ءچ سوچ تے آکھنڑ لگا جو ’مَیں کیا کراں کیوں جو میڈے کولھ جاہ نئیں جِتھاں آپنڑی پیداوار بھر رکھاں؟‘

لُوقا 15:2

تے فریسی تے شریعت دے عالم شکایت کر تے آدھے ہَن جو ”ایہ بندہ گُنہگاراں کُوں مِلدے تے اُنہاں دے نال کھانڑا کھاندے۔“

لُوقا 16:3

اُوں مُنشی آپنڑے دل ءچ آکھیا جو ’مَیں کیا کراں کیوں جو میڈا مالک میکُوں میڈے کم تُوں کڈھیندا پئے؟ مِٹی تاں مَیں کنُوں کھودی نئیں ویندی تے شرم کنُوں بِھیک وی نئیں منگ سگدا۔

لُوقا 18:4

شروع ءچ تاں قاضی اِنکار کیتا پر آخر اُوں آپنڑے دل ءچ آکھیا، ’سچ ہے جو مَیں نہ خُدا کنُوں ڈردا ہاں تے نہ کہیں اِنسان دی پرواہ کریندا ہاں۔

لُوقا 3:8

بس ایجھے کم کرو جو نظر آوے جو تُساں توبہ کیتی ہے تے آپنڑی اِیں بُھل ءچ نہ راہو جو ’ابرہام ساڈا پِیُو ہے۔‘کیوں جو مَیں تُہاکُوں آدھا ہاں جو خُدا اِنہاں پتھراں کنُوں ابرہام کیتے اولاد پیدا کر سگدے۔

لُوقا 7:16

وَل سبھ لوکاں اُتے دہشت چھا گئی تے او خُدا دی حمد کر تے آکھنڑ لگے جو ”ساڈے وچال ہِک وڈے نبی دا ظہور تھئے تے خُدا آپنڑے لوکاں اُتے نِگاہ کیتی ہے۔“

لُوقا 7:37

تاں ڈیکھو اُوں شہر دی ہِک بدکردار عورت ایہ سُنڑ تے جو یسُوع اُوں فریسی دے گھر ءچ کھانڑا کھاوݨ بیٹھے، سنگِ مرمر دے عِطردان ءچ عِطر گِھن آئی۔

لُوقا 7:38

تے اُوندے پِچُھوں کھڑ تے روندے ہوئے اُوندے پیراں کُوں ہنجُواں نال پُساوݨ لگی تے آپنڑے والاں نال پُونجھیا، تے اُوندے پیراں کُوں بوسے ڈے تے اُنہاں اُتے عِطر لایا۔

لُوقا 7:40

یسُوع جواب ءچ اُونکُوں آکھیا، ”شمعون! مَیں تیکُوں کُجھ آکھنڑ چاہندا ہاں۔“ اُوں آکھیا، ”جی اُستاد! آکھو۔“

یُوحنّا 4:19

عورت اُونکُوں آکھیا، ”مالک! میکُوں لگدے جو تُساں نبی ہیوے۔

یُوحنّا 7:12

تے لوک اُوندے بارے ءچ ہولے ہولے گالھیں کریندے پئے ہَن۔ کُجھ آدھے ہَن جو ”او نیک بندہ ہے“ تے کُجھ آدھے ہَن جو ”کائنی، او لوکاں کُوں گُمراہ کریندے۔“

یُوحنّا 9:24

بس اُنہاں اُوں بندے کُوں جیہڑا پہلے اندھا ہا ولا سڈوا تے آکھیا، ”سچ آکھ تے خُدا کُوں جلال ڈے۔ اساں تاں جانڑدے ہیں جو ایہ بندہ گُنہگار ہے۔“