لُوقا 7:30 - کِتاب مُقدّس سرائیکی ترجمہ

³⁰ پر فریسیاں تے شریعت دے عالماں اُوں کنُوں بپتسمہ نہ گِھن تے آپنڑے کیتے خُدا دی مرضی کُوں رَد کر ڈِتا۔

لُوقا 7:30 Iomraidhean Croise

متّی 22:35

تے اُنہاں ءچوں شریعت دے ہِک عالم اُونکُوں ازماوݨ کیتے پُچھیا،

لُوقا 13:34

یروشلیم! یروشلیم! تُوں جیہڑا نبیاں کُوں قتل کریندیں تے جیہڑے تیڈے کولھ بھیجے گئے اُنہاں کُوں سنگسار کریندیں۔ مَیں کِتی پھیری ایہ چاہیا جو تیڈے بالاں کُوں اِینویں جمع کر گِھناں جِینویں مُرغی آپنڑے چُوچیاں کُوں آپنڑے پراں تلے جمع کر گِھندی ہے، پر تُوں راضی نہ تھیّا۔

لُوقا 20:6

تے جے آکھوں ’اِنسان دی طرفوں،‘ تاں لوک ساکُوں سنگسار کریسن کیوں جو او منیندے ہِن جو یُوحنّا نبی ہا۔“

لُوقا 7:31

یسُوع آکھیا، ”مَیں اِیں زمانے دے لوکاں کُوں کیندے نال تشبیہ ڈیواں؟ او کئیں وانگُوں ہِن؟

اعمال 20:27

کیوں جو مَیں بغیر کہیں جِھجک دے خُدا دا پُورا مقصد تُہاڈے اُتے ظاہر کریندا ہاں۔

رومیوں 10:21

پر بنی اِسرائیل دے بارے ءچ او فرمیندا ہے جو ”سارا ڈینہہ مَیں باغی تے ضِدی قوم کیتے آپنڑے ہتھ ودھائی ریہا۔“

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

گلتِیوں 2:21

مَیں خُدا دے فضل کُوں رَد نئیں کریندا۔ کیوں جو جے راستبازی شریعت دے وسیلے نال حاصل کیتی وَنج سگدی تاں مسیح دا مرݨ بے فائدہ ہوندا۔“

اِفِسیوں 1:11

مسیح ءچ ساکُوں وی وراثت مِل گئی ہے کیوں جو خُدا جیہڑا سبھ کُجھ آپنڑی مرضی تے مقصد دے مطابق کریندے، اُوں آپنڑے اِرادہ دے مطابق ساڈے کیتے ایہ پہلے کنُوں ای مقرر کیتے۔