لُوقا 7:21 - کِتاب مُقدّس سرائیکی ترجمہ

²¹ اُونہی ویلے یسُوع بہُوں لوکاں کُوں بیماریاں تے مُصیبتاں تے بدرُوحاں کنُوں نجات بخشی تے بہُوں سارے اندھیاں دے اکھیں بحال کیتیاں۔

لُوقا 7:21 Iomraidhean Croise

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

مرقس 3:10

کیوں جو اُوں بہُوں لوکاں کُوں چنگا کیتا ہا اِیں واسطے جِتّی لوک سخت بیماریاں ءچ گرفتار ہَن، اُوندے اُتے ڈھاندے ہَن جو اُونکُوں ہتھ لا گِھننڑ۔

مرقس 5:29

تے فوراً اُوندا خون واہنڑ بند تھی گِیا، تے اُونکُوں آپنڑے بدن ءچ محسوس تھیّا جو مَیں آپنڑی اِیں بیماری کنُوں شِفا پا گِھدی ہے۔

مرقس 5:34

یسُوع اُونکُوں آکھیا، ”دِھی تیڈے اِیمان تیکُوں چنگا کر ڈِتے۔ خیر نال وَنج تے آپنڑی بیماری کنُوں بچی رہ۔“

لُوقا 7:20

اُنہاں یسُوع دے کولھ آ تے آکھیا، ”یُوحنّا بپتسمہ ڈیوݨ آلے ساکُوں تُہاڈے کولھ ایہ پُچھنڑ بھیجے جو ’آوݨ آلے تُساں ای ہیوے یا اساں کہیں بئے دی راہ ڈیکھوں‘؟“

عبرانیوں 12:6

کیوں جو جیندے نال رب محبت رکھیندے اُوندی تربیت وی کریندے، تے جِینکُوں پوتر بنڑا گِھندے اُونکُوں سزا وی ڈیندے۔“