لُوقا 7:19 - کِتاب مُقدّس سرائیکی ترجمہ

¹⁹ اِیں پارُوں یُوحنّا آپنڑے شاگرداں ءچوں ڈُو کُوں سڈ تے خُداوند دے کولھ ایہ پُچھنڑ کیتے بھیجیا جو ”آوݨ آلے تُساں ای ہیوے یا اساں کہیں بئے دی راہ ڈیکھوں؟“

لُوقا 7:19 Iomraidhean Croise

مرقس 6:7

تے اُوں اُنہاں بارہاں کُوں آپنڑے کولھ سڈ تے اُنہاں کُوں ڈُو ڈُو کر تے بھیجنڑ شروع کیتا، تے اُنہاں کُوں بدرُوحاں اُتے اِختیار بخشیا،

لُوقا 10:1

اِنہاں گالھیں دے بعد خُداوند بہتّر بئے بندے مقرر کیتے تے اُنہاں کُوں ڈُو ڈُو کر تے آپنڑے کنُوں پہلے اُنہاں شہراں تے وستیاں ءچ روانہ کیتا جِتھاں او خود ونجنڑ آلا ہا۔

لُوقا 11:1

وَل اِینویں تھیّا جو یسُوع کہیں جاہ دُعا کریندا پِیا ہا۔ جِیں ویلے کر گِھدی تاں اُوندے شاگرداں ءچوں ہِک اُونکُوں آکھیا، ”مالک! جِینویں یُوحنّا آپنڑے شاگرداں کُوں دُعا کرݨ سکھائی، تُساں وی ساکُوں سکھاؤ۔“

لُوقا 11:39

پر خُداوند اُونکُوں آکھیا، ”فریسیو! تُساں پیالے تے تھالی کُوں باہر کنُوں تاں صاف کریندے ہیوے پر تُہاڈے اندر لُٹ دا مال تے بُرائی بھری پئی ہے۔

لُوقا 12:42

خُداوند آکھیا، ”او دیانتدار تے عقلمند مُنشی کیہڑا ہے جِینکُوں اُوندا مالک آپنڑے گھر دے نوکراں چاکراں اُتے مقرر کرے جو او اُنہاں دی خوراک ٹھیک ویلے اُتے ونڈیندا راہوے؟

لُوقا 13:15

خُداوند اُوندے جواب ءچ آکھیا جو ”منافقو! کیا تُہاڈے ءچوں ہر ہِک سبت دے ڈینہہ آپنڑے ڈاند یا گڈھاں کُوں تھان کنُوں کھول تے پانڑی پِلاوݨ کیتے نئیں گِھن ویندا؟

لُوقا 17:5

اِیں تُوں رسُولاں خُداوند کُوں آکھیا، ”ساڈے اِیمان کُوں ودھا۔“

لُوقا 17:6

خُداوند آکھیا جو ”جے تُہاڈا اِیمان رائی دے دانڑے دے برابر وی ہوندا تے تُساں اِیں تُوت دے درخت کُوں آدھے جو جڑھ کنُوں پٹیج تے سمندر ءچ لگ وَنج تاں ایہ تُہاڈی منیندا۔

لُوقا 18:6

وَل خُداوند آکھیا، ”سُنڑو، ایہ بے اِنصاف قاضی کیا آدھے؟

لُوقا 19:8

پر زکّائی کھڑا تھی تے خُداوند کُوں آکھیا، ”مالک! مَیں آپنڑا ادھا مال غریباں کُوں ڈیندا ہاں تے جے مَیں کہیں دا کُجھ ناحق گِھدے تاں اُونکُوں چار گُنا واپس کریندا ہاں۔“

لُوقا 22:61

یسُوع مُڑ تے پطرس دو ڈِٹھا، تے پطرس کُوں مالک دی او گالھ یاد آئی جیہڑی اُوں پطرس کُوں آکھی ہئی جو ”اَج کُکڑ دے بانگ ڈیوݨ کنُوں پہلے تُوں ترے پھیری میڈا اِنکار کریسیں،“

لُوقا 24:34

او آدھے پئے ہَن جو ”خُداوند سچ مُچ زندہ تھی گئے تے شمعون کُوں ڈِکھالی ڈِتے۔“

لُوقا 7:13

اُونکُوں ڈیکھ تے خُداوند کُوں اُوندے اُتے ترس آیا تے اُونکُوں آکھیا، ”نہ رو۔“

لُوقا 7:20

اُنہاں یسُوع دے کولھ آ تے آکھیا، ”یُوحنّا بپتسمہ ڈیوݨ آلے ساکُوں تُہاڈے کولھ ایہ پُچھنڑ بھیجے جو ’آوݨ آلے تُساں ای ہیوے یا اساں کہیں بئے دی راہ ڈیکھوں‘؟“

یُوحنّا 11:2

بیمار لعزر دی بھینڑ اُوہو مریم ہئی جئیں خُداوند دے سر ءچ عِطر وِیٹیا ہا تے آپنڑے والاں نال اُوندے پیر پُونجھے ہَن۔

یُوحنّا 4:1

وَل جِیں ویلے یسُوع کُوں پتہ چلیا جو فریسیاں سُنڑے جو یسُوع یُوحنّا کنُوں وی زیادہ شاگرد بنڑیندے تے بپتسمہ ڈیندے،

یُوحنّا 4:25

عورت اُونکُوں آکھیا، ”مَیں جانڑدی ہاں جو المسیح جِینکُوں خرِستُس آدھے ہِن، آوݨ آلا ہے۔ جِیں ویلے او آسی تاں ساکُوں سارے گالھیں ڈسا ڈیسی۔“

یُوحنّا 6:23

وَل کُجھ چھوٹیاں کشتیاں تِبریاس تُوں اُوں جاہ دے نیڑے آئیاں جِتھاں اُنہاں یسُوع مالک دے شُکر کرݨ دے بعد روٹی کھادی ہئی۔

مُکاشفہ 11:3

مَیں آپنڑے ڈُو گواہاں کُوں اِختیار ڈیساں تے او ٹاٹ ولھیٹ تے ہِک ہزار ڈُو سو سَٹھ (1,260) ڈینہہ تئیں نبُوّت کریسن۔“