لُوقا 7:13 - کِتاب مُقدّس سرائیکی ترجمہ

¹³ اُونکُوں ڈیکھ تے خُداوند کُوں اُوندے اُتے ترس آیا تے اُونکُوں آکھیا، ”نہ رو۔“

لُوقا 7:13 Iomraidhean Croise

مرقس 8:2

”میکُوں اِیں بِھیڑ اُتے ترس آندے کیوں جو ایہ ترے ڈینہہ تُوں مسلسل میڈے نال ہے تے اِنہاں دے کولھ کھاوݨ کیتے کُجھ نئیں۔

لُوقا 10:1

اِنہاں گالھیں دے بعد خُداوند بہتّر بئے بندے مقرر کیتے تے اُنہاں کُوں ڈُو ڈُو کر تے آپنڑے کنُوں پہلے اُنہاں شہراں تے وستیاں ءچ روانہ کیتا جِتھاں او خود ونجنڑ آلا ہا۔

لُوقا 11:1

وَل اِینویں تھیّا جو یسُوع کہیں جاہ دُعا کریندا پِیا ہا۔ جِیں ویلے کر گِھدی تاں اُوندے شاگرداں ءچوں ہِک اُونکُوں آکھیا، ”مالک! جِینویں یُوحنّا آپنڑے شاگرداں کُوں دُعا کرݨ سکھائی، تُساں وی ساکُوں سکھاؤ۔“

لُوقا 11:39

پر خُداوند اُونکُوں آکھیا، ”فریسیو! تُساں پیالے تے تھالی کُوں باہر کنُوں تاں صاف کریندے ہیوے پر تُہاڈے اندر لُٹ دا مال تے بُرائی بھری پئی ہے۔

لُوقا 12:42

خُداوند آکھیا، ”او دیانتدار تے عقلمند مُنشی کیہڑا ہے جِینکُوں اُوندا مالک آپنڑے گھر دے نوکراں چاکراں اُتے مقرر کرے جو او اُنہاں دی خوراک ٹھیک ویلے اُتے ونڈیندا راہوے؟

لُوقا 13:15

خُداوند اُوندے جواب ءچ آکھیا جو ”منافقو! کیا تُہاڈے ءچوں ہر ہِک سبت دے ڈینہہ آپنڑے ڈاند یا گڈھاں کُوں تھان کنُوں کھول تے پانڑی پِلاوݨ کیتے نئیں گِھن ویندا؟

لُوقا 17:5

اِیں تُوں رسُولاں خُداوند کُوں آکھیا، ”ساڈے اِیمان کُوں ودھا۔“

لُوقا 17:6

خُداوند آکھیا جو ”جے تُہاڈا اِیمان رائی دے دانڑے دے برابر وی ہوندا تے تُساں اِیں تُوت دے درخت کُوں آدھے جو جڑھ کنُوں پٹیج تے سمندر ءچ لگ وَنج تاں ایہ تُہاڈی منیندا۔

لُوقا 18:6

وَل خُداوند آکھیا، ”سُنڑو، ایہ بے اِنصاف قاضی کیا آدھے؟

لُوقا 19:8

پر زکّائی کھڑا تھی تے خُداوند کُوں آکھیا، ”مالک! مَیں آپنڑا ادھا مال غریباں کُوں ڈیندا ہاں تے جے مَیں کہیں دا کُجھ ناحق گِھدے تاں اُونکُوں چار گُنا واپس کریندا ہاں۔“

لُوقا 22:61

یسُوع مُڑ تے پطرس دو ڈِٹھا، تے پطرس کُوں مالک دی او گالھ یاد آئی جیہڑی اُوں پطرس کُوں آکھی ہئی جو ”اَج کُکڑ دے بانگ ڈیوݨ کنُوں پہلے تُوں ترے پھیری میڈا اِنکار کریسیں،“

لُوقا 24:3

پر اندر وَنج تے اُنہاں کُوں یسُوع مالک دی لاش نہ مِلی۔

لُوقا 24:34

او آدھے پئے ہَن جو ”خُداوند سچ مُچ زندہ تھی گئے تے شمعون کُوں ڈِکھالی ڈِتے۔“

لُوقا 7:12

جِیں ویلے او شہر دے پھاٹک دے نیڑے پُجیا تاں ہِک مُردہ کُوں باہر گِھدی ویندے ہَن۔ او آپنڑی ماء دا ہِکو ہِک پوتر ہا تے او بیوہ ہئی۔ شہر دے بہُوں سارے لوک اُوندے نال ہَن۔

لُوقا 7:14

وَل اُوں کولھ آ تے جنازے کُوں ہتھ لایا تے مونڈھا ڈیوݨ آلے کھڑ گئے۔ وَل اُوں آکھیا، ”جوان! مَیں تیکُوں آدھا ہاں اُٹھی۔“

لُوقا 7:19

اِیں پارُوں یُوحنّا آپنڑے شاگرداں ءچوں ڈُو کُوں سڈ تے خُداوند دے کولھ ایہ پُچھنڑ کیتے بھیجیا جو ”آوݨ آلے تُساں ای ہیوے یا اساں کہیں بئے دی راہ ڈیکھوں؟“

لُوقا 8:52

سبھ اُوندے کیتے روندے پِٹدے پئے ہَن پر اُوں آکھیا، ”ماتم نہ کرو، او موئی نئیں بلکہ سُتی پئی ہے۔“

یُوحنّا 11:2

بیمار لعزر دی بھینڑ اُوہو مریم ہئی جئیں خُداوند دے سر ءچ عِطر وِیٹیا ہا تے آپنڑے والاں نال اُوندے پیر پُونجھے ہَن۔

یُوحنّا 11:3

اِیں واسطے اُوندے بھینڑیں یسُوع کُوں سنیہا بھیجیا جو مالک! جِینکُوں تُساں عزیز رکھیندے ہیوے، او بیمار ہے۔

یُوحنّا 20:13

فرشتیاں اُونکُوں آکھیا، ”بی بی! تُوں کیوں روندی ہیں؟“ اُوں آکھیا، ”او میڈے مالک کُوں چا تے گِھن گئے ہِن تے میکُوں پتہ نئیں جو اُونکُوں کِتھاں رکھے۔“

یُوحنّا 20:15

یسُوع اُونکُوں آکھیا، ”بی بی! تُوں کیوں روندی ہیں؟ کِینکُوں گولھیندی ہیں؟“ اُوں سمجھیا جو شاید او مالی ہے تاں اُونکُوں آکھیا، ”میاں! جے تُوں اُونکُوں اِتُھوں چا تے تاں میکُوں ڈسا ڈے جو اُونکُوں کِتھاں رکھے تاں جو مَیں اُونکُوں گِھن وَنجاں۔“

یُوحنّا 4:1

وَل جِیں ویلے یسُوع کُوں پتہ چلیا جو فریسیاں سُنڑے جو یسُوع یُوحنّا کنُوں وی زیادہ شاگرد بنڑیندے تے بپتسمہ ڈیندے،

یُوحنّا 6:23

وَل کُجھ چھوٹیاں کشتیاں تِبریاس تُوں اُوں جاہ دے نیڑے آئیاں جِتھاں اُنہاں یسُوع مالک دے شُکر کرݨ دے بعد روٹی کھادی ہئی۔

1کُرِنتھِیوں 7:30

رووݨ آلے ایجھے ہووݨ جو جِینویں او روندے نئیں تے خوشی مناوݨ آلے ایجھے ہووݨ جِینویں او خوشی نئیں منیندے۔ مُل گِھننڑ آلے ایجھے ہووݨ جِینویں اُنہاں دے کولھ کُجھ نئیں۔

1تھِسّلُنیکیوں 4:13

بِھراؤ! اساں نئیں چاہندے جو تُساں اُنہاں اِیمانداراں دے حال دے بارے ءچ ناواقف راہو جیہڑے سَم گئے ہِن، تاں جو تُساں اُنہاں وانگُوں غم نہ کرو جِنہاں کُوں کوئی اُمید نئیں۔

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔