لُوقا 6:8 - کِتاب مُقدّس سرائیکی ترجمہ

⁸ پر یسُوع کُوں اُنہاں دے خیال پتہ ہَن۔ بس اُوں سُکے ہتھ آلے بندے کُوں آکھیا، ”اُٹھی تے اَدھ ءچ کھڑا تھی وَنج۔“ او اُٹھی تے کھڑا تھی گِیا۔

لُوقا 6:8 Iomraidhean Croise

متّی 9:4

یسُوع اُنہاں دے خیال جاݨ گِھدے تے آکھیا جو ”تُساں آپنڑے دل ءچ بُرے گالھیں کیوں سوچیندے ہیوے؟

مرقس 3:3

یسُوع سُکے ہتھ آلے بندے کُوں آکھیا، ”اُٹھی تے اِتھاں اَدھ ءچ کھڑا تھی۔“

لُوقا 13:12

یسُوع اُونکُوں ڈیکھ تے کولھ سڈیا تے اُونکُوں آکھیا، ”عورت! تُوں آپنڑی کمزوری کنُوں آزاد تھی گئی۔“

لُوقا 5:22

یسُوع اُنہاں دے خیال جاݨ گِھدے تے اُنہاں کُوں آکھیا، ”تُساں آپنڑے دِلاں ءچ اِینویں کیوں سوچیندے ہیوے؟

لُوقا 6:9

یسُوع اُنہاں کُوں آکھیا، ”مَیں تُہاکُوں ایہ پُچھدا ہاں جو کیا سبت دے ڈینہہ نیکی کرݨ جائز ہے یا بدی کرݨ؟ جان بچاوݨ یا قتل کرݨ؟“

یُوحنّا 2:25

اُونکُوں اِیندی ضرورت نہ ہئی جو کوئی اُونکُوں اِنسان دے بارے ءچ ڈساوے کیوں جو او اِنسان دے دل دا حال جانڑدا ہا۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

یُوحنّا 9:4

جئیں تئیں ڈینہہ دا سوجھلا ہے، ساکُوں اُوندا کم کرݨ ضرور ہے، جئیں میکُوں بھیجیا ہے۔ او رات آندی پئی ہے جیندے ءچ کوئی بندہ کم نئیں کر سگدا۔

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

اعمال 26:26

بادشاہ اِنہاں گالھیں تُوں واقف ہے تے مَیں اُوندے نال کُھل تے گالھ کر سگدا ہاں۔ میکُوں یقین ہے جو اِنہاں گالھیں ءچوں کوئی وی اُوں کنُوں لُکی نئیں کیوں جو ایہ قصہ کہیں کونے ءچ نئیں تھیّا۔

فِلِپّیوں 1:28

تے ایہ وی جو تُساں کہیں گالھ ءچ وی آپنڑے مخالفاں کنُوں خوف زدہ نئیں۔ ایہ اُنہاں کیتے تاں ہلاکت دا نشان، پر تُہاڈے کیتے نجات دا نشان ہے تے ایہ خُدا دی طرفوں ہے۔

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

1 پطرس 4:1

جڈاں مسیح جِسمانی طور تے ڈُکھ چاتا تاں تُساں وی اُوں وانگُوں ڈُکھ چاوݨ کیتے تیار راہو کیوں جو جئیں وی مسیح دی خاطر ڈُکھ سہے، اُوں گُناہ کُوں چھوڑ ڈِتے۔

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔