لُوقا 6:42 - کِتاب مُقدّس سرائیکی ترجمہ

⁴² تُوں کِینویں آپنڑے بِھرا کُوں آکھ سگدیں جو ’بِھرا آ مَیں تیڈی اکھ ءچوں ککھ کڈھ ڈیواں‘ جِیں ویلے تُوں آپنڑی اکھ دے شتِیر کُوں نئیں ڈیدھا؟ منافق! پہلے آپنڑی اکھ دا شتِیر تاں کڈھ گِھن، وَل آپنڑے بِھرا دی اکھ دے ککھ کُوں چنگی طرحاں ڈیکھ تے کڈھ سگسیں۔

لُوقا 6:42 Iomraidhean Croise

متّی 26:75

پطرس کُوں یسُوع دی او گالھ یاد آئی جیہڑی اُوں آکھی ہئی جو ”کُکڑ دے بانگ ڈیوݨ کنُوں پہلے تُوں ترے پھیری میڈا اِنکار کریسیں،“ تے او باہر وَنج تے بُٹ بُٹ رویا۔

متّی 7:3

تُوں آپنڑے بِھرا دی اکھ ءچ ککھ کیوں ڈیدھیں تے اُوں شتِیر اُتے غور نئیں کریندا جیہڑا تیڈی اکھ ءچ ہے؟

متّی 7:4

تے جِیں ویلے تیڈی آپنڑی اکھ ءچ شتِیر ہے تاں تُوں کیہڑے مُنہ نال آپنڑے بِھرا کُوں آکھ سگدیں جو ’آ مَیں تیڈی اکھ ءچوں ککھ کڈھ ڈیواں؟‘

لُوقا 13:15

خُداوند اُوندے جواب ءچ آکھیا جو ”منافقو! کیا تُہاڈے ءچوں ہر ہِک سبت دے ڈینہہ آپنڑے ڈاند یا گڈھاں کُوں تھان کنُوں کھول تے پانڑی پِلاوݨ کیتے نئیں گِھن ویندا؟

لُوقا 22:32

پر مَیں تیڈے کیتے دُعا کیتی جو تیڈا اِیمان ویندا نہ راہوے۔ تے جِیں ویلے تُوں رجُوع کریں تاں آپنڑے بِھرانواں کُوں مضبوط کریں۔“

لُوقا 6:41

تُوں آپنڑے بِھرا دی اکھ ءچ ککھ کیوں ڈیدھیں تے اُوں شتِیر اُتے غور نئیں کریندا جیہڑا تیڈی اکھ ءچ ہے؟

لُوقا 6:43

جیہڑا درخت چنگا ہوندے او بُرا پھل نئیں ڈیندا، تے نہ ای بُرا درخت چنگا پھل ڈیندے۔

اعمال 13:10

تے آکھیا جو ”ابلیس دے پوتر! تُوں جیہڑا ہر قِسم دی مکاری تے شرارت نال بھریا ہویا تے ہر طرحاں دی نیکی دا دُشمنڑ ہیں، کیا تُوں خُداوند دے سِدھے رستیاں کُوں وِگاڑن تُوں باز نہ آسیں؟

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

اعمال 8:21

اِیں کم ءچ تیڈا کوئی حصہ یا سانجھ نئیں کیوں جو تیڈا دل خُدا دے نزدیک ٹھیک نئیں۔

رومیوں 2:1

اِیں واسطے اِلزام لاوݨ آلے، تُوں جیہڑا کوئی وی ہونویں تیڈے کولھ کوئی بہانہ نئیں۔ کیوں جو جڈاں تُوں ڈُوجھے اُتے اِلزام لیندیں تے خود اُوہو کم کریندیں تاں اِینویں آپنڑے آپ کُوں مُجرم بنڑیندیں۔

2کُرِنتھِیوں 5:18

ایہ سبھ خُدا دی طرفوں ہے جئیں مسیح دے ذریعے ساڈے نال صُلح کر گِھدی تے صُلح کراوݨ دی خدمت ساڈے حوالے کر ڈِتی۔

2 تِیمُتھِیُس 2:21

بس جے کوئی آپنڑے آپ کُوں اِنہاں بے ہُودہ گالھیں کنُوں پاک صاف رکھیسی تاں او عزت کیتے اِستعمال تھیوݨ آلے تھاں وانگُوں بنڑ ویسی۔ او مُقدّس ہوسی، آپنڑے مالک دے کم آسی تے ہر نیک کم کیتے تیار تھیسی۔

2 پطرس 1:9

پر جیندے ءچ ایہ خُوبیاں نہ ہووݨ، او اندھا ہے تے اُوندی نظر اِتنی کمزور ہے جو اُونکُوں صرف نزدیک دیاں چیزاں نظر آندیاں ہِن تے آپنڑے پہلے گُناہاں کنُوں پاک تھیوݨ کُوں بُھلی بیٹھے۔