لُوقا 6:21 - کِتاب مُقدّس سرائیکی ترجمہ

²¹ مُبارک ہیوے تُساں جیہڑے ہُنڑ بُکھے ہیوے کیوں جو تُساں رَج سو۔ مُبارک ہیوے تُساں جیہڑے ہُنڑ روندے ہیوے کیوں جو تُساں کِھلسو۔

لُوقا 6:21 Iomraidhean Croise

متّی 5:4

مُبارک ہِن او جیہڑے ڈُکھی ہِن، کیوں جو او تسلی پیسن۔

متّی 5:6

مُبارک ہِن او جیہڑے راستبازی دے بُکھے تے ترِسّے ہِن، کیوں جو او رَج سِن۔

لُوقا 1:53

اُوں بُکھیاں کُوں چنگیاں چیزاں نال رَجا ڈِتا پر دولت منداں کُوں خالی ہتھ پِچھاں پھیر ڈِتا۔

لُوقا 6:20

وَل اُوں آپنڑے شاگرداں اُتے نِگاہ کر تے آکھیا، ”مُبارک ہیوے تُساں جیہڑے غریب ہیوے کیوں جو خُدا دی بادشاہی تُہاڈی ہے۔

لُوقا 6:22

جِیں ویلے اِبنِ آدم دی وجہ کنُوں لوک تُہاڈے نال نفرت رکھیسن تے تُہاکُوں خارج کر ڈیسن تے لعن طعن کریسن تے تُہاڈی بدنامی کریسن تاں تُساں مُبارک ہوسو۔

لُوقا 6:25

افسوس تُہاڈے اُتے جیہڑے ہُنڑ رجے پئے ہیوے کیوں جو بُکھے ہوسو۔ افسوس تُہاڈے اُتے جیہڑے ہُنڑ کِھلدے ہیوے کیوں جو ماتم کریسو تے روسو۔

یُوحنّا 11:35

یسُوع رووݨ لگیا۔

یُوحنّا 4:10

یسُوع جواب ءچ اُونکُوں آکھیا، ”جے تُوں خُدا دی بخشش کُوں جانڑدی تے ایہ وی جو او کوݨ ہے جیہڑا تَیں کنُوں پانڑی منگدے تاں تُوں اُوں کنُوں منگدی تے او تیکُوں زندگی دا پانڑی ڈیندا۔“

یُوحنّا 6:35

یسُوع اُنہاں کُوں آکھیا، ”زندگی دی روٹی مَیں ہاں۔ جیہڑا میڈے کولھ آسی کڈھائیں بُکھا نہ راہسی تے جیہڑا میڈے اُتے اِیمان گِھن آسی کڈھائیں ترِسّا نہ راہسی۔

1کُرِنتھِیوں 4:11

اساں اِیں ویلے تئیں بُکھے ترِسّے ہیں، پھٹے پُرانڑے کپڑے پیندے ہیں، مُکے کھاندے تے رُلدے پِھردے ہیں۔

2کُرِنتھِیوں 11:27

مَیں محنت تے مُشقت کیتی، اکثر ساری رات جاگدا ریہا، بُکھا تے ترِسّا تے بہُوں پھیری فاقہ کیتا، سردی تے ننگے پن ءچ ریہا۔

2کُرِنتھِیوں 12:10

اِیہو وجہ ہے جو مسیح دی خاطر میں کمزوری ءچ، بے عزتی ءچ، تکلیفاں ءچ، ستائے ونجنڑ ءچ، تے تنگی ءچ خوش ہاں کیوں جو جِیں ویلے مَیں کمزور ہوندا ہاں اُوں ویلے ای مَیں مضبوط ہوندا ہاں۔

2کُرِنتھِیوں 6:10

ڈُکھی ہیں پر ہمیشاں خوش راہندے ہیں، غریب ہیں پر بہُوں ساریاں کُوں دولت مند بنڑا ڈیندے ہیں، مسکین ہیں پر ساڈے کولھ سبھ کُجھ ہے۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

مُکاشفہ 21:3

تے مَیں تخت ءچوں کہیں کُوں اُچی اواز نال ایہ آدھے سُنڑیا جو ”ڈیکھ خُدا دی سکونت گاہ ہُنڑ اِنساناں دے وچال ہے تے او اُنہاں نال سکونت کریسی۔ او اُوندے لوک ہوسن تے خُدا خود اُنہاں نال راہسی تے اُنہاں دا خُدا ہوسی۔

مُکاشفہ 7:16

او نہ تاں کڈھائیں بُکھے تھیسن تے نہ ترِسّے۔ نہ اُنہاں کُوں دُھپ تنگ کریسی تے نہ گرمی۔