لُوقا 5:8 - کِتاب مُقدّس سرائیکی ترجمہ

⁸ شمعون پطرس ایہ ڈیکھ تے یسُوع دے پیراں اُتے ڈھٹھا تے آکھیا، ”مالک! میڈے کولُھوں چلے ونجو کیوں جو مَیں گُنہگار بندہ ہاں۔“

لُوقا 5:8 Iomraidhean Croise

متّی 17:6

شاگرد ایہ سُنڑ تے مُنہ دے بھار ڈھٹھے تے بہُوں ڈر گئے۔

متّی 2:11

وَل او اُوں گھر ءچ داخل تھئے تے بال کُوں اُوندی ماء مریم دے کولھ ڈیکھ تے اُوندے اگُوں سجدہ کیتا، تے آپنڑے ڈبے کھول تے سونا، لُبان تے مُر اُونکُوں نذر کیتا۔

متّی 8:8

صوبیدار جواب ءچ آکھیا، ”مالک! مَیں اِیں لائق نئیں جو تُساں میڈی چھت تلے آؤ بلکہ صرف آکھ ڈیؤ تاں میڈا نوکر شِفا پا گِھنسی۔

لُوقا 5:7

اِیں واسطے اُنہاں ڈُوجھی کشتی آلے ساتھیاں کُوں اِشارہ کیتا جو ”آؤ ساڈی مدد کرو۔“ بس اُنہاں آ تے ڈوہائیں کشتیاں مچھیاں نال اِتُھوں تئیں بھر ڈِتیاں جو بُڈݨ لگ گئیاں۔

لُوقا 5:9

کیوں جو مچھیاں دے اِیں شکار دی وجہ کنُوں شمعون تے اُوندے دوست بہُوں حیران تھئے۔

یُوحنّا 11:32

جِیں ویلے مریم اُوں جاہ اُتے پُجی جِتھاں یسُوع ہا تاں اُونکُوں ڈیکھ تے اُوندے پیراں ءچ ڈھے تے آکھیا، ”مالک! جے تُساں اِتھاں ہوندے تاں میڈا بِھرا نہ مردا۔“

1کُرِنتھِیوں 13:12

ہُنڑ ساکُوں شیشے ءچ دُھندلا نظر آندے پر اُوں ویلے آمنڑے سامنڑے ڈیکھسوں۔ اِیں ویلے میڈا علم نامکمل ہے پر اُوں ویلے پُوری طرحاں پچھاݨ گِھنساں، جِینویں خُدا میکُوں پُوری طرحاں پچھانڑے۔

مُکاشفہ 1:17

اُونکُوں ڈیکھ تے مَیں اُوندے پیراں ءچ بے جان جِیہا تھی تے ڈھے پِیا، پر اُوں آپنڑا سجا ہتھ میڈے اُتے رکھیا تے آکھیا جو ”خوف نہ کر، مَیں اوّل تے آخر ہاں۔