لُوقا 5:30 - کِتاب مُقدّس سرائیکی ترجمہ

³⁰ فریسی تے اُنہاں دے شریعت دے عالم یسُوع دے شاگرداں کُوں شکایت کر تے ایہ آکھنڑ لگے جو ”تُساں محصُول گِھننڑ آلیاں تے گُنہگاراں دے نال کیوں کھاندے پِیندے ہیوے؟“

لُوقا 5:30 Iomraidhean Croise

متّی 5:46

کیوں جو جے تُساں صرف اُنہاں نال محبت رکھیندے ہیوے جیہڑے تُہاڈے نال محبت رکھیندے ہِن تاں تُہاکُوں کیا اجر مِلسی؟ کیا محصُول گِھننڑ آلے وی اِینویں نئیں کریندے؟

متّی 9:11

فریسیاں ایہ ڈِٹھا تاں اُوندے شاگرداں کُوں آکھیا، ”تُہاڈا اُستاد محصُول گِھننڑ آلیاں تے گُنہگاراں دے نال کیوں کھاندے؟“

مرقس 2:16

فریسیاں دے شریعت دے عالماں یسُوع کُوں گُنہگاراں تے محصُول گِھننڑ آلیاں نال کھاندے ڈِٹھا تاں اُوندے شاگرداں کُوں آکھیا، ”ایہ محصُول گِھننڑ آلیاں تے گُنہگاراں دے نال کیوں کھاندے پِیندے۔“

مرقس 7:3

کیوں جو فریسی بلکہ سارے یہُودی آپنڑے بزُرگاں دیاں رسماں دے ایجھے پابند ہَن جو جِیں ویلے تئیں آپنڑے ہتھ چنگی طرحاں دھو نہ گِھننڑ کھانڑا نہ کھاندے ہَن۔

مرقس 9:16

اُوں اُنہاں کنُوں پُچھیا، ”تُساں اُنہاں نال کیا بحث کریندے ہیوے؟“

لُوقا 18:11

فریسی کھڑا تھی تے آپنڑے دل ءچ اِینویں دُعا کرݨ لگا جو ’اے خُدا! مَیں تیڈا شُکر کریندا ہاں جو مَیں ڈُوجھے آدمیاں وانگُوں ظالم، بے اِنصاف، زِنا کار یا اِیں محصُول گِھننڑ آلے وانگُوں نئیں۔

لُوقا 19:7

جِیں ویلے لوکاں ایہ ڈِٹھا تاں سبھ بُڑبُڑ کرݨ لگے جو ”ایہ ہِک گُنہگار دا مہمان بنڑ گِیا ہے۔“

لُوقا 5:17

ہِک ڈینہہ یسُوع تعلیم ڈیندا پِیا ہا تے کُجھ فریسی تے شریعت دے عالم جیہڑے گلیل تے یہُودیہ دی ہر وستی تے یروشلیم کنُوں آئے ہَن، اُتھاں بیٹھے ہَن۔ تے خُداوند دی قُدرت شِفا ڈیوݨ کیتے یسُوع دے نال ہئی۔

لُوقا 5:21

اِیں تُوں شریعت دے عالم تے فریسی سوچنڑ لگے ”ایہ بندہ کوݨ ہے جیہڑا کُفر بَکدے؟ خُدا دے سِوا کوݨ گُناہ معاف کر سگدے؟“

لُوقا 7:34

اِبنِ آدم کھاندا پِیندا آیا تے تُساں آدھے ہیوے ’ڈیکھو، ایہ کھاؤُ تے شرابی بندہ، محصُول گِھننڑ آلیاں تے گُنہگاراں دا یار۔‘

لُوقا 7:39

جئیں فریسی یسُوع دی دعوت کیتی ہئی او ایہ ڈیکھ تے آپنڑے دل ءچ آکھنڑ لگا جو ”جے ایہ بندہ نبی ہوندا تاں جاݨ گِھندا جو جیہڑی اُونکُوں ہتھ لیندی پئی ہے او کوݨ تے کیجھی عورت ہے، او تاں بدکار ہے۔“

اعمال 23:9

بس اُتھاں ہنگامہ تھی گِیا، تے فریسیاں ءچوں کُجھ شریعت دے عالم کھڑے تھی گئے تے جھیڑا کر تے آکھنڑ لگے جو ”اساں اِیں بندے ءچ کوئی قصُور نئیں ڈیدھے تے جے کہیں فرشتے یا رُوح اِیندے نال گالھ کیتی ہے تاں کیا تھیّا؟“