لُوقا 5:3 - کِتاب مُقدّس سرائیکی ترجمہ

³ یسُوع اُنہاں ڈُو کشتیاں ءچوں ہِک اُتے چڑھ تے جیہڑی شمعون دی ہئی، تے اُونکُوں درخاست کیتی جو ”کنارے کنُوں تھوڑا جِیہا دُور گِھن جُل۔“ وَل او کشتی ءچ بہہ تے لوکاں کُوں تعلیم ڈیوݨ لگا۔

لُوقا 5:3 Iomraidhean Croise

متّی 4:18

گلیل دی جھیل دے کنارے اُتے ٹُردے ہوئے یسُوع ڈُو بِھرانواں، شمعون جیہڑا پطرس اکھویندا ہا تے اُوندے بِھرا اندریاس، کُوں جھیل ءچ جال سٹیندے ڈِٹھا کیوں جو او مچھیرے ہَن۔

مرقس 3:10

کیوں جو اُوں بہُوں لوکاں کُوں چنگا کیتا ہا اِیں واسطے جِتّی لوک سخت بیماریاں ءچ گرفتار ہَن، اُوندے اُتے ڈھاندے ہَن جو اُونکُوں ہتھ لا گِھننڑ۔

مرقس 3:9

بس اُوں آپنڑے شاگرداں کُوں آکھیا، ”بِھیڑ دی وجہ کنُوں میڈے کیتے ہِک چھوٹی کشتی تیار رکھو، تاں جو او میکُوں دبا نہ سٹنڑ۔“

لُوقا 5:2

تاں اُوں ڈُو کشتیاں جھیل دے کنارے اُتے لگیاں ڈِٹھیاں، پر مچھی پکڑن آلے اُنہاں کُوں اُتھاں چھوڑ تے آپنڑے جال دھوندے پئے ہَن۔

یُوحنّا 8:2

سویل تھیندے ای او وَل ہیکل ءچ آیا۔ سارے لوک اُوندے کولھ آئے تے او بہہ تے اُنہاں کُوں تعلیم ڈیوݨ لگا۔