لُوقا 5:26 - کِتاب مُقدّس سرائیکی ترجمہ

²⁶ او سبھ حیران تھی گئے تے خُدا دی حمد کرݨ لگے۔ تے او بہُوں ڈر گئے تے آکھنڑ لگے جو اَج اساں عجیب گالھیں ڈِٹھیاں ہِن۔

لُوقا 5:26 Iomraidhean Croise

متّی 12:23

سارے لوک حیران تھی تے آکھنڑ لگے، ”کیا ایہ اِبنِ داؤد ہے؟“

متّی 28:8

او ڈر تے وڈی خوشی نال قبر کنُوں فوراً باہر آئیاں تے بھجدِیاں بھجدِیاں گئیاں تاں جو شاگرداں کُوں خبر پُچاوݨ۔

متّی 9:8

لوک ایہ ڈیکھ تے ڈر گئے تے خُدا دی حمد کرݨ لگے جئیں اِنسان کُوں ایجھا اِختیار بخشیا۔

مرقس 2:12

او اُٹھیا تے فوراً کَھٹ چا تے اُنہاں ساریاں دے سامنڑے لگا گِیا۔ او سارے حیران تھی گئے تے خُدا دی حمد کر تے آکھنڑ لگے، ”اساں اِینویں پہلے کڈھائیں نئیں ڈِٹھا۔“

لُوقا 1:65

اُنہاں دے آسے پاسے دے ساریاں لوکاں اُتے خوف چھا گِیا تے یہُودیہ دے سارے پہاڑی علاقے ءچ اِنہاں سبھ گالھیں دا چرچا تھیوݨ لگا۔

لُوقا 5:8

شمعون پطرس ایہ ڈیکھ تے یسُوع دے پیراں اُتے ڈھٹھا تے آکھیا، ”مالک! میڈے کولُھوں چلے ونجو کیوں جو مَیں گُنہگار بندہ ہاں۔“

لُوقا 7:16

وَل سبھ لوکاں اُتے دہشت چھا گئی تے او خُدا دی حمد کر تے آکھنڑ لگے جو ”ساڈے وچال ہِک وڈے نبی دا ظہور تھئے تے خُدا آپنڑے لوکاں اُتے نِگاہ کیتی ہے۔“

لُوقا 8:37

وَل گراسینیاں دے آسُوں پاسُوں دے سارے لوکاں اُونکُوں درخاست کیتی جو ”ساڈے کولُھوں چلے ونجو،“ کیوں جو اُنہاں اُتے وڈی دہشت چھا گئی ہئی۔ بس او کشتی ءچ سوار تھی تے واپس چلیا گِیا۔

اعمال 4:21

عدالت آلیاں اُنہاں کُوں بِیا وی دھمکا تے چھوڑ ڈِتا کیوں جو لوکاں دے سببّوں اُنہاں کُوں سزا ڈیوݨ دا کوئی موقع نہ مِلیا۔ اِیں واسطے جو سارے لوک اُوں واقعے دے سببّوں خُدا دی تعریف کریندے ہَن۔

گلتِیوں 1:24

تے او میڈے سببّوں خُدا دی تمجید کریندیاں ہَن۔