لُوقا 5:2 - کِتاب مُقدّس سرائیکی ترجمہ

² تاں اُوں ڈُو کشتیاں جھیل دے کنارے اُتے لگیاں ڈِٹھیاں، پر مچھی پکڑن آلے اُنہاں کُوں اُتھاں چھوڑ تے آپنڑے جال دھوندے پئے ہَن۔

لُوقا 5:2 Iomraidhean Croise

متّی 4:18

گلیل دی جھیل دے کنارے اُتے ٹُردے ہوئے یسُوع ڈُو بِھرانواں، شمعون جیہڑا پطرس اکھویندا ہا تے اُوندے بِھرا اندریاس، کُوں جھیل ءچ جال سٹیندے ڈِٹھا کیوں جو او مچھیرے ہَن۔

متّی 4:21

اُتھوں اگھاں ودھ تے اُوں بئے ڈُو بِھرا، یعقُوب تے یُوحنّا ڈِٹھے جیہڑے زبدی دے پوتر ہَن تے کشتی ءچ آپنڑے پِیُو نال آپنڑے جالاں دی مرمت کریندے پئے ہَن، تے اُنہاں کُوں سڈیا۔

مرقس 1:16

گلیل دی جھیل دے کنڈے کنڈے ٹُردے ہوئے یسُوع شمعون تے شمعون دے بِھرا اندریاس کُوں ڈِٹھا جیہڑے جھیل ءچ جال سٹیندے پئے ہَن، کیوں جو او مچھیرے ہَن۔

مرقس 1:19

تھوڑا اگُوں وَنج تے اُوں زبدی دے پوتراں یعقُوب تے یُوحنّا کُوں ڈِٹھا جیہڑے آپنڑی کشتی ءچ جالاں دی مرمت کریندے پئے ہَن۔

لُوقا 5:1

ہِک ڈینہہ یسُوع گنّیسرت دی جھیل دے کنارے اُتے کھڑا ہا تے خُدا دا کلام سُنڑݨ کیتے بِھیڑ اُوندے اُتے ڈھاندی پئی ہئی۔

لُوقا 5:3

یسُوع اُنہاں ڈُو کشتیاں ءچوں ہِک اُتے چڑھ تے جیہڑی شمعون دی ہئی، تے اُونکُوں درخاست کیتی جو ”کنارے کنُوں تھوڑا جِیہا دُور گِھن جُل۔“ وَل او کشتی ءچ بہہ تے لوکاں کُوں تعلیم ڈیوݨ لگا۔

یُوحنّا 1:40

اُنہاں ڈوہائیں ءچوں جیہڑے یُوحنّا دی گالھ سُنڑ تے یسُوع دے پِچُھوں تھی پئے ہَن، ہِک اندریاس ہا جیہڑا شمعون پطرس دا بِھرا ہا۔