لُوقا 5:12 - کِتاب مُقدّس سرائیکی ترجمہ

¹² جِیں ویلے یسُوع ہِک شہر ءچ ہا تاں ڈیکھو ہِک بندہ جیندے سارے جِسم اُتے کوڑھ ہا، اُونکُوں ڈیکھ تے مُنہ بھرنے ڈھے تے اُوندی مِنت کرݨ لگا جو ”مالک! جے تُساں چاہو تاں میکُوں پاک صاف کر سگدے ہیوے۔“

لُوقا 5:12 Iomraidhean Croise

متّی 26:6

جِیں ویلے یسُوع بیت عنیاہ ءچ شمعون کوڑھی دے گھر ءچ ہا،

متّی 9:28

جِیں ویلے او گھر ءچ داخل تھیّا تاں او اندھے اُوندے کولھ آئے تے یسُوع اُنہاں تُوں پُچھیا، ”کیا تُہاڈا اِیمان ہے جو مَیں ایہ کر سگدا ہاں؟“ اُنہاں اُونکُوں آکھیا، ”ہاں مالک۔“

مرقس 5:23

تے مِنت کریندے ہوئے آکھنڑ لگا جو ”میڈی نِکی دِھی مرݨ آلی ہے۔ مہربانی کر تے آؤ تے اُوندے اُتے آپنڑے ہتھ رکھو تاں جو او ٹھیک تھی ونجے تے زندہ راہوے۔“

لُوقا 17:16

تے یسُوع دے پیراں اُتے مُنہ دے بھار ڈھے تے اُوندا شُکر ادا کرݨ لگا۔ تے او سامری ہا۔

لُوقا 5:13

یسُوع آپنڑا ہتھ ودھایا تے اُوندے اُتے رکھ تے آکھیا، ”مَیں چاہندا ہاں۔ پاک صاف تھی وَنج۔“ تے فوراً اُوندا کوڑھ ٹھیک تھی گِیا۔

عبرانیوں 7:25

اِینویں ای جیہڑے لوک یسُوع دے وسیلے نال خُدا دے کولھ آندے ہِن، او اُنہاں کُوں پُوری پُوری نجات ڈے سگدے کیوں جو او اُنہاں دی شفاعت کرݨ کیتے ہمیشاں زندہ ہے۔