لُوقا 5:11 - کِتاب مُقدّس سرائیکی ترجمہ

¹¹ او کشتیاں کُوں کنارے اُتے گِھن آئے تے سبھ کُجھ چھوڑ تے اُوندے پِچُھوں ٹُر پئے۔

لُوقا 5:11 Iomraidhean Croise

متّی 10:37

جیہڑا کوئی آپنڑے پِیُو یا ماء کُوں مَیں کنُوں زیادہ پیار کریندے او میڈے لائق نئیں، تے جیہڑا کوئی آپنڑے پوتر یا دِھی کُوں مَیں کنُوں زیادہ پیار کریندے او میڈے لائق نئیں۔

متّی 19:27

وَل پطرس اُونکُوں آکھیا، ”ڈیکھو اساں سبھ کُجھ چھوڑ تے تُہاڈے پِچُھوں تھی پئے ہیں۔ بس ساکُوں کیا مِلسی؟“

متّی 19:29

تے جئیں کہیں گھراں یا بِھرانواں یا بھینڑاں یا پِیُو یا ماء یا بالاں یا رَڑھاں کُوں میڈے ناں دی خاطر چھوڑ ڈِتے اُونکُوں سو گُنا مِلسی، تے او ہمیشاں دی زندگی دا وارث تھیسی۔

متّی 4:20

او فوراً آپنڑے جال چھوڑ تے اُوندے پِچُھوں ٹُر پئے۔

متّی 4:22

او فوراً کشتی تے آپنڑے پِیُو کُوں چھوڑ تے اُوندے پِچُھوں ٹُر پئے۔

مرقس 10:21

یسُوع اُوندے اُتے نِگاہ کیتی تے اُونکُوں اُوندے اُتے پیار آیا تے آکھیا، ”ہِک گالھ دی تَیں ءچ کمی ہے۔ وَنج آپنڑا سبھ کُجھ ویچ تے غریباں کُوں ڈے، تاں تیکُوں اسمان اُتے خزانہ مِلسی۔ وَل آ تے میڈے پِچُھوں ٹُر پو۔“

لُوقا 5:28

او کھڑا تھیّا تے سبھ کُجھ چھوڑ تے اُوندے پِچُھوں تھی پِیا۔