لُوقا 5:1 - کِتاب مُقدّس سرائیکی ترجمہ

¹ ہِک ڈینہہ یسُوع گنّیسرت دی جھیل دے کنارے اُتے کھڑا ہا تے خُدا دا کلام سُنڑݨ کیتے بِھیڑ اُوندے اُتے ڈھاندی پئی ہئی۔

لُوقا 5:1 Iomraidhean Croise

متّی 11:12

یُوحنّا بپتسمہ ڈیوݨ آلے دے ڈینہاں کنُوں اِیں ویلے تئیں اسمان دی بادشاہی دی زور نال مخالفت تھیندی پئی ہے تے زور آور اُونکُوں کَھس گِھندے ہِن۔

متّی 14:34

او جھیل پار کر تے گنّیسرت دے علاقے ءچ پُجے۔

مرقس 3:9

بس اُوں آپنڑے شاگرداں کُوں آکھیا، ”بِھیڑ دی وجہ کنُوں میڈے کیتے ہِک چھوٹی کشتی تیار رکھو، تاں جو او میکُوں دبا نہ سٹنڑ۔“

مرقس 4:1

یسُوع ولا جھیل دے کنارے تعلیم ڈیوݨ لگا۔ تے لوکاں دی ایجھی بِھیڑ لگ گئی جو او جھیل ءچ کھڑی ہِک کشتی اُتے وَنج بیٹھا، تے سبھ لوک جھیل دے کنارے اُتے کھڑے ریہے۔

مرقس 5:24

بس یسُوع اُوندے نال روانہ تھیّا تے وڈی بِھیڑ اُوندے پِچُھوں تھی پئی تے اُوندے اُتے ڈھاندی پئی ہئی۔

مرقس 6:53

او جھیل پار کر تے گنّیسرت دے علاقے ءچ پُجے تے کشتی کُوں کنارے نال لا ڈِتا۔

لُوقا 12:1

اِیں دوران ہزاراں لوکاں دی بِھیڑ لگ گئی، ایہ تئیں جو لوک ہِک بئے اُتے ڈھاندے پئے ہَن۔ وَل یسُوع سبھ تُوں پہلے آپنڑے شاگرداں کُوں ایہ آکھنڑ شروع کیتا جو ”فریسیاں دے خمیر یعنی اُنہاں دی منافقت کنُوں ہوشیار رہوائے۔

لُوقا 5:2

تاں اُوں ڈُو کشتیاں جھیل دے کنارے اُتے لگیاں ڈِٹھیاں، پر مچھی پکڑن آلے اُنہاں کُوں اُتھاں چھوڑ تے آپنڑے جال دھوندے پئے ہَن۔

لُوقا 8:22

وَل ہِک ڈینہہ یسُوع تے اُوندے شاگرد کشتی ءچ سوار تھئے تے اُوں اُنہاں کُوں آکھیا، ”آؤ جھیل دے پار جُلوں۔“ بس او روانہ تھئے۔

لُوقا 8:23

پر جیہڑے ویلے کشتی چلدی ویندی ہئی تاں یسُوع سَم گِیا۔ وَل جھیل ءچ وڈی اندھاری آئی تے کشتی پانڑی نال بھریجنڑ لگ گئی تے او خطرے ءچ ہَن۔

لُوقا 8:33

تے بدرُوحاں اُوں بندے ءچوں نِکل تے سُؤراں ءچ داخل تھی گئیاں تے اِجڑ ریڑھ کنُوں بھجدے ہوئے جھیل ءچ وَنج ڈھٹھا تے بُڈ مریا۔

لُوقا 8:45

وَل یسُوع آکھیا، ”میکُوں کئیں ہتھ لائے؟“ جِیں ویلے سارے اِنکار کرݨ لگے تاں پطرس آکھیا، ”اُستاد! لوک ہِک بئے کُوں دھکے ڈیندے تے تُہاڈے اُتے ڈھاندے پئے ہِن۔“

یُوحنّا 1:40

اُنہاں ڈوہائیں ءچوں جیہڑے یُوحنّا دی گالھ سُنڑ تے یسُوع دے پِچُھوں تھی پئے ہَن، ہِک اندریاس ہا جیہڑا شمعون پطرس دا بِھرا ہا۔

یُوحنّا 6:1

اِنہاں گالھیں دے بعد یسُوع گلیل دی جھیل دے پار گِیا، جِینکُوں تِبریاس دی جھیل وی اکھیندے ہِن۔

عبرانیوں 13:7

آپنڑے راہنماواں کُوں یاد رکھو جِنہاں تُہاکُوں خُدا دا کلام سُنڑایا۔ اُنہاں دی زندگی دے انجام اُتے غور کرو تے اُنہاں دے اِیمان دے نمونے اُتے ٹُرو۔