لُوقا 4:34 - کِتاب مُقدّس سرائیکی ترجمہ

³⁴ ”یسُوع ناصری! ساکُوں تیڈے نال کیا کم؟ کیا تُوں ساکُوں ہلاک کرݨ آئیں؟ مَیں جانڑدا ہاں جو تُوں کوݨ ہیں۔ تُوں خُدا دا قدُّوس ہیں۔“

لُوقا 4:34 Iomraidhean Croise

متّی 8:29

او چیخ تے آکھنڑ لگے، ”خُدا دے پوتر! ساکُوں تیڈے نال کیا کم؟ کیا تُوں وقت تُوں پہلے ای ساکُوں عذاب ءچ سٹنڑ آیا ہیں؟“

مرقس 1:24

جو ”یسُوع ناصری! ساکُوں تیڈے نال کیا کم؟ کیا تُوں ساکُوں ہلاک کرݨ آئیں؟ مَیں جانڑدا ہاں جو تُوں کوݨ ہیں؟ تُوں خُدا دا قدُّوس ہیں۔“

مرقس 1:34

اُوں بہُوں سارے لوکاں کُوں اُنہاں دیاں بیماریاں کنُوں شِفا بخشی تے بہُوں ساریاں بدرُوحاں کُوں کڈھ ڈِتا، پر بدرُوحاں کُوں بولنڑ نہ ڈِتا کیوں جو او جانڑدیاں ہَن جو او کوݨ ہے۔

مرقس 5:7

تے زور نال چیخدے ہوئے آکھیا، ”یسُوع، خُدا تعالیٰ دے پوتر! میکُوں تیڈے نال کیا کم؟ تیکُوں خُدا دا واسطہ، میکُوں عذاب ءچ نہ سَٹ۔“

لُوقا 1:35

فرشتہ جواب ءچ اُونکُوں آکھیا، ”رُوح القُدس تیڈے اُتے نازل تھیسی تے خُدا تعالیٰ دی قُدرت تیڈے اُتے چھاں کریسی۔ اِیں وجہ کنُوں او مُقدّس بچّہ، خُدا دا پوتر اکھویسی۔

لُوقا 4:33

عبادت خانہ ءچ ہِک بندہ ہا جیندے ءچ بدرُوح ہئی۔ او بہُوں اُچی اواز ءچ چیخنڑ پے گِیا جو

لُوقا 4:41

تے بہُوں ساریاں ءچوں بدرُوحاں ایہ آدھیاں ہوئیاں نِکل گئیاں جو تُوں خُدا دا پوتر ہیں۔ پر او اُنہاں کُوں دَڑکدا تے بولنڑ نہ ڈیندا ہا کیوں جو او جانڑدیاں ہَن جو ایہ المسیح ہے۔

لُوقا 8:28

او یسُوع کُوں ڈیکھ تے زور نال چیخیا تے اُوندے سامنڑے ڈھے تے اُچی اواز نال آکھنڑ لگا، ”یسُوع، خُدا تعالیٰ دے پوتر! میکُوں تیڈے نال کیا کم؟ تیڈی مِنت کریندا ہاں جو میکُوں عذاب ءچ نہ سَٹ۔“

لُوقا 8:37

وَل گراسینیاں دے آسُوں پاسُوں دے سارے لوکاں اُونکُوں درخاست کیتی جو ”ساڈے کولُھوں چلے ونجو،“ کیوں جو اُنہاں اُتے وڈی دہشت چھا گئی ہئی۔ بس او کشتی ءچ سوار تھی تے واپس چلیا گِیا۔

اعمال 16:39

تے اُتھاں آ تے اُنہاں تُوں معافی منگی تے وَل اُنہاں کُوں قید خانہ ءچوں باہر گِھن آئے تے درخاست کیتی جو شہر ءچوں باہر چلے ونجو۔

اعمال 2:27

اِیں واسطے جو تُوں میڈی جان کُوں عالم ِ ارواح ءچ نہ چُھوڑیسیں تے نہ آپنڑے قدُّوس دے سڑن دی نوبت آوݨ ڈیسیں۔

اعمال 3:14

تُساں اُوں قدُّوس تے راستباز دا اِنکار کیتا تے درخاست کیتی جو ہِک خونی تُہاڈے کیتے رِہا کر ڈِتا ونجے۔

اعمال 4:27

واقعی تیڈے قدُّوس خادم یسُوع دے خلاف جِینکُوں تَیں مسیح مقرر کیتا، ہیرودیس تے پنطیُس پِیلاطُس، بنی اِسرائیل تے غیر قوماں نال کٹھے تھی گئے

عبرانیوں 2:14

بس کیوں جو خُدا دے فرزند خون تے گوشت نال بنڑے ہوئے اِنسان ہِن، اِیں واسطے یسُوع خود وی اُنہاں آلی کار اِنسان بنڑیا تاں جو آپنڑی موت دے وسیلے نال موت دی قُدرت رکھنڑ آلے یعنی ابلیس کُوں تباہ کرے،

یعقُوب 2:19

تُوں اِیمان رکھیندیں جو خُدا ہِک ای ہے۔ بہُوں چنگا کریندیں، ایہ تاں بدرُوحاں وی منیندیاں ہِن تے ڈر تے کمبدیاں ہِن۔

1 یُوحنّا 3:8

جیہڑا کوئی گُناہ کریندا راہندے، او ابلیس دا بندہ ہے، کیوں جو ابلیس شروع کنُوں ای گُناہ کریندا ریہا ہے۔ خُدا دا پوتر اِیں واسطے ظاہر تھئے جو ابلیس دے کماں کُوں برباد کر ڈیوے۔

مُکاشفہ 20:2

اُوں اژدہے یعنی اُوں پُرانڑے نانگ کُوں جیہڑا ابلیس تے شیطان ہے، پکڑیا تے ہِک ہزار سال کیتے بَدھ ڈِتا۔

مُکاشفہ 3:7

فِلدِلفیہ دی کلیسیا دے فرشتہ کُوں لِکھ جو جیہڑا قدُّوس تے سچا ہے تے داؤد دی کُنجی رکھیندے، جیندے کھولے ہوئے کُوں کوئی بند نئیں کر سگدا تے جیندے بند کیتے ہوئے کُوں کوئی کھول نئیں سگدا، اُوہو ایہ فرمیندے جو