لُوقا 4:25 - کِتاب مُقدّس سرائیکی ترجمہ

²⁵ تے مَیں تُہاکُوں سچ آدھا ہاں جو ایلیّاہ نبی دے زمانے ءچ جِیں ویلے ساڈھے ترے سال تئیں بارش نہ تھئی، ایہ تئیں جو سارے مُلک ءچ سخت کال پے گِیا، اُوں ویلے اِسرائیل ءچ بہُوں ساریاں بیوہ ہَن۔

لُوقا 4:25 Iomraidhean Croise

متّی 20:15

کیا میکُوں ایہ حق نئیں جو آپنڑے مال نال جیہڑا کُجھ چاہواں کراں؟ یا تیکُوں میڈی نیکی بُری لگدی ہے؟‘

لُوقا 10:21

اُونہی ویلے یسُوع رُوح القُدس کنُوں خوشی نال بھریج گِیا تے آکھنڑ لگا، ”باپ، اسمان تے زمین دے مالک! مَیں تیڈا شُکر کریندا ہاں جو تَیں ایہ گالھیں دانا لوکاں تے عالماں کنُوں لُکائیاں، تے بالاں اُتے ظاہر کیتیاں۔ ہاں، باپ، کیوں جو تیڈی نظر ءچ اِیہو چنگا ہا۔

رومیوں 9:15

کیوں جو او مُوسیٰ کُوں آدھے، ”مَیں جیندے اُتے چاہندا ہاں ترس کھاندا ہاں تے جیندے اُتے چاہندا ہاں رحم کریندا ہاں ۔“

رومیوں 9:20

اِنسان! تُوں کوݨ ہیں جیہڑا خُدا کُوں جواب ڈیندیں؟ کیا کوئی بنڑی ہوئی چیز آپنڑے بنڑاوݨ آلے کُوں آکھ سگدی ہے جو ”تَیں میکُوں اِینویں کیوں بنڑائے؟“

اِفِسیوں 1:11

مسیح ءچ ساکُوں وی وراثت مِل گئی ہے کیوں جو خُدا جیہڑا سبھ کُجھ آپنڑی مرضی تے مقصد دے مطابق کریندے، اُوں آپنڑے اِرادہ دے مطابق ساڈے کیتے ایہ پہلے کنُوں ای مقرر کیتے۔

اِفِسیوں 1:9

تے خُدا آپنڑی مرضی دے راز کُوں آپنڑی خوشی دے مطابق ساڈے اُتے ظاہر کر ڈِتا، جِیندا اُوں مسیح ءچ پُورا کرݨ دا اِرادہ کیتا ہا،

یعقُوب 5:17

ایلیّاہ ساڈے وانگُوں اِنسان ہا۔ اُوں اِیمان نال دُعا کیتی جو مینہ نہ وسے تے ساڈھے ترے سال تئیں زمین اُتے مینہ نہ وسیا۔

مُکاشفہ 11:6

اُنہاں کُوں ایہ اِختیار ہے جو اسمان کُوں بند کر ڈیوݨ تاں جو اُنہاں دی نبُوّت دے ڈینہاں ءچ بارش نہ تھیوے۔ تے اُنہاں کُوں پانڑی اُتے اِختیار ہے جو خون ءچ تبدیل کر ڈیوݨ تے جِیں ویلے وی چاہوݨ قِسم قِسم دیاں آفتاں، زمین اُتے نازل کرݨ۔