لُوقا 3:8 - کِتاب مُقدّس سرائیکی ترجمہ

⁸ بس ایجھے کم کرو جو نظر آوے جو تُساں توبہ کیتی ہے تے آپنڑی اِیں بُھل ءچ نہ راہو جو ’ابرہام ساڈا پِیُو ہے۔‘کیوں جو مَیں تُہاکُوں آدھا ہاں جو خُدا اِنہاں پتھراں کنُوں ابرہام کیتے اولاد پیدا کر سگدے۔

لُوقا 3:8 Iomraidhean Croise

متّی 21:43

اِیں واسطے مَیں تُہاکُوں آدھا ہاں جو خُدا دی بادشاہی تُہاڈے کنُوں گِھن گِھدی ویسی تے اُوں قوم کُوں ڈے ڈِتی ویسی جیہڑی بادشاہ دی مرضی دے مطابق پھل گِھن آسی۔

متّی 3:8

بس ایجھے کم کرو جو نظر آوے جو تُساں توبہ کیتی ہے۔

متّی 3:9

تے آپنڑی اِیں بُھل ءچ نہ رہ ونجو جو ’ابرہام ساڈا پِیُو ہے،‘ کیوں جو مَیں تُہاکُوں آدھا ہاں جو خُدا اِنہاں پتھراں تُوں ابرہام کیتے اولاد پیدا کر سگدے۔

لُوقا 13:25

جِیں ویلے گھر دا مالک اُٹھی تے دروازہ بند کر ڈیسی تے تُساں باہر کھڑے دروازہ کھڑکا تے ایہ اکھیسو جو ’مالک! ساڈے کیتے دَر کھول ڈیؤ۔‘ او جواب ڈیسی جو ’مَیں تُہاکُوں نئیں جانڑدا جو کِتھوں دے ہیوے۔‘

لُوقا 13:26

اُوں ویلے تُساں آکھنڑ لگسو جو ’اساں تاں تیڈے سامنڑے کھادا پِیتا تے تَیں ساڈیاں گلیاں ءچ تعلیم ڈِتی۔‘

لُوقا 14:9

تے جئیں تیکُوں تے اُونکُوں ڈوہائیں کُوں سڈیا ہے آ تے تیکُوں آکھے جو ’اِینکُوں جاہ ڈے۔‘ وَل تیکُوں شرمندہ تھی تے سبھ کنُوں پِچُھوں باہنڑاں پووے۔

لُوقا 19:40

اُوں جواب ءچ آکھیا، ”مَیں تُہاکُوں آدھا ہاں جو جے ایہ چُپ راہنڑ تاں پتھر بولنڑ پے ویسن۔“

لُوقا 19:9

یسُوع اُونکُوں آکھیا، ”اَج اِیں گھر ءچ نجات آئی ہے، اِیں واسطے جو ایہ وی ابرہام دا پوتر ہے۔

لُوقا 5:21

اِیں تُوں شریعت دے عالم تے فریسی سوچنڑ لگے ”ایہ بندہ کوݨ ہے جیہڑا کُفر بَکدے؟ خُدا دے سِوا کوݨ گُناہ معاف کر سگدے؟“

یُوحنّا 8:33

اُنہاں اُونکُوں جواب ڈِتا، ”اساں تاں ابرہام دی اولاد ہیں تے کڈھائیں کہیں دی غُلامی ءچ نئیں ریہے۔ تُوں کیوں آدھیں جو تُساں آزاد کیتے ویسو؟“

یُوحنّا 8:39

اُنہاں جواب ءچ اُونکُوں آکھیا، ”ساڈا باپ تاں ابرہام ہے۔“ یسُوع اُنہاں کُوں آکھیا، ”جے تُساں ابرہام دی اولاد ہوندے تاں ابرہام وانگُوں کم وی کریندے۔

اعمال 26:20

بلکہ پہلے مَیں دمشق دے لوکاں ءچ، وَل یروشلیم تے سارے یہُودیہ دے راہنڑ آلیاں تے غیر قوماں ءچ وی تبلیغ کیتی جو او توبہ کرݨ تے خُدا دو رجُوع کرݨ، تے آپنڑے نیک عمل تُوں توبہ دا ثبوت ڈیوݨ۔

رومیوں 4:16

اِیں واسطے ایہ وعدہ اِیمان دے سببّوں مِلدے تاں جو فضل دے طور تے ہووے تے ابرہام دی یکی نسل کیتے ہووے، صرف اُنہاں کیتے نئیں جیہڑے شریعت دے مننڑ آلے ہِن بلکہ اُنہاں کیتے وی جیہڑے ابرہام وانگُوں اِیمان رکھیندے ہِن۔ کیوں جو ابرہام اساں ساریاں دا پِیُو ہے،

رومیوں 9:7

تے نہ ابرہام دی یکی نسل اُوندی اولاد ہے بلکہ خُدا آکھیا ہے، ”اِضحاق تُوں ای تیڈی نسل اکھویسی۔“

فِلِپّیوں 1:11

تے یسُوع مسیح دے وسیلے نال راستبازی دے پھل نال بھریندے راہو۔ تے اِینویں خُدا دے جلال دی تعریف تھیوے۔