لُوقا 3:3 - کِتاب مُقدّس سرائیکی ترجمہ

³ او یردن دے آسُوں پاسُوں وَنج تے تبلیغ کرݨ لگا جو گُناہاں دی معافی کیتے توبہ کر تے بپتسمہ گِھنو۔

لُوقا 3:3 Iomraidhean Croise

متّی 3:11

مَیں تاں تُہاکُوں توبہ کیتے پانڑی نال بپتسمہ ڈیندا ہاں پر جیہڑا میڈے بعد آندے او مَیں تُوں زیادہ زور آور ہے۔ مَیں تاں اُوندیاں جُتیاں چاوݨ دے وی لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

لُوقا 1:16

تے بنی اِسرائیل دے بہُوں سارے لوکاں کُوں خُداوند دی راہ اُتے جیہڑا اُنہاں دا خُدا ہے ولا گِھن آسی۔

لُوقا 1:77

تاں جو اُوندے لوکاں کُوں نجات دا علم بخشیں جیہڑا اُنہاں کُوں گُناہاں دی معافی تُوں حاصل تھیوے۔

لُوقا 4:1

وَل یسُوع رُوح القُدس کنُوں بھریج تے یردن کنُوں وَل آیا تے رُوح دی ہدایت نال چالیہہ ڈینہہ تئیں بیابان ءچ پِھردا ریہا،

یُوحنّا 1:28

ایہ واقعات یردن دریا دے پار بیت عنیاہ ءچ پیش آئے جِتھاں یُوحنّا بپتسمہ ڈیندا ہا۔

یُوحنّا 3:26

اِیں واسطے او یُوحنّا دے کولھ آ تے آکھنڑ لگے، ”ربّی! او بندہ جیہڑا یردن دے پار تیڈے نال ہا تے جیندے بارے ءچ تُوں گواہی ڈِتی ہئی، ڈیکھ او وی بپتسمہ ڈیندا ہے تے سبھ اُوندے کولھ آندے ہِن۔“

اعمال 13:24

یسُوع دے آوݨ کنُوں پہلے یُوحنّا اِسرائیل دی ساری اُمت دے سامنڑے توبہ کرݨ تے بپتسمہ گِھننڑ دی منادی کیتی۔

اعمال 19:4

پولُس آکھیا ”یُوحنّا تاں توبہ دا بپتسمہ ڈِتا تے آکھیا جو ’او جیہڑا میڈے بعد آوݨ آلا ہے تُساں اُوندے اُتے اِیمان گِھن آؤ یعنی یسُوع اُتے‘۔“

اعمال 22:16

ہُنڑ کیجھی دیر؟ اُٹھی بپتسمہ گِھن، تے اُوندا ناں گِھن تے آپنڑے گُناہ دھو گِھن۔‘